المشاركة الأصلية كتبت بواسطة mhamdy75
المشكلة عبارة عن تكرار تنفيس (تسريب )
عادم الشكمان من منطقة الزور
تتسبب بعمل صوت عالى
وليست العلب نهائى
وذلك لعدم وجود مرونة
بين الشكمان والموتور
----------
|
موضوع رائع جدا يا باشمهندس محمد انا كان نفسى حد يجربه من زمان لأنى عملته فى عربية صاحبى وماشاء الله شغاله معاه زى الفل
المشاركة الأصلية كتبت بواسطة momen_bondok
ممكن حضرتك توضح المشكلة اكثر من ذلك
علشان انا عندى 128 بس مش عارف يعنى اية تنفيس شكمان
وشكرا جزيلاِ
|
نظرا لأن ال128 موتورها بيتحرك كتير ممكن مع المطبات أو عطسة فى الكربراتير ، او ترييحه من الشداد الجوان القمع الجرنجريد بيتحمص وينفس وحصلت معايا كتير
وطبعا بدوره بيأثر على سحب العربية ويخلى ريحة العادم تدخل على الكابينة
المشاركة الأصلية كتبت بواسطة hazem_khidr
شكرا علي الابتكار المفيد
طب يا تري ركبت السوسته فين بالضبط؟؟
|
هى بتركب بعد فرن الشكمان وبعد الوصلة زى الفيرنا و الأكسنت
ودى بتريح الشكمان خالص وبتريح الموتور وبتخفف الـBACK PRESS على الموتور والأصلى منها بيبقى HEAVY DUTY ومصمم للمحركات الدفع الأمامى
المشاركة الأصلية كتبت بواسطة ahmed1981
أشكرك على الفكرة
يا ريت صورة بعد التركيب عشان يتضح الأمر جيداً
الإبتكار المنظم في هذه الأمور مقبول
ولا تستمع لمن يقول لك أنه حرام وأن من صمم السيارة هو من الملائكة
فأحد أسباب عدم إستخدام الوصلات المرنة في كثير من السيارات هو إسترخاص من مصنعها
|
90 % من السيارات دلوقتى بتنزل بالسوستة دى ، خطوة جريئة لكن الصراحة ممتازة 100%
المشاركة الأصلية كتبت بواسطة AMTSSAS
ودلوقتي اخبار الصوت عندك ايه؟
هي بتتحلم في ماسورة الشكمان من طرف والطرف الاخر بيتوصل ازاي علي الفرن بقي؟
|
بعد فرن الشكمان وفى الجزء اللى نازل على تحت بتاع الشكمانات بيقيس ويقص منه على مقاس السوستة ، ويفضل انك تشترى السوستة الأصلية المستوردة وسعرها 80 جنية زى ما الباشمهندس محمد صاحب الفكرة قال