[Hisham.Elgazzar]

المشاركة الأصلية كتبت بواسطة world_of_kill في الاول حتحس ان المكنه مظبوطه بس حتودع طرمبه الزيت في اقرب وقت عشان اللزوجه عاليه و بتبوظ طرمبه الزيت يعني اللي وفرتو حتغرمو تاني عشان زيت البنزين اخف من زيت الجاز

الرد فى فوق على الدلفاك الMX انه مختلف عن الدلفاك العادة أو أى زيت ديزل تانى

المشاركة الأصلية كتبت بواسطة tamer.koko عاوز سبب مقنع واحد يخليني اعمل كده غير السحبوالنعومه والاونطه دي لان اساسا عربيتي ناعمه جدا وصوت موتورها هادي وبتسحب من غير ما اغير لزيت ديزل وكمان احط اضافه طب ليه ماله شيل الاصفر

الإختيار الأول و الأخير لحضرتك تقرر براحتك

المشاركة الأصلية كتبت بواسطة mr_astra مستر هشام ازى حضرتك ومنور الدنيا كلها اة لسة بيعمل خمسات بيقوم يغير ريقة على 10 لفات كدة وفى الضهرية بيسخن نفسة بـ 15 خمسة وحياتة كولها على كدة بس الغريب بقى حاجة حلوة اوى بيقولى انهم بيتجمعو فى مكان قريب من صلاح سالم او المرغنى مش فاكر وكل اما العربية تفرك وتعمل خمسات كتير تجيب فلوس اعلى وبيقولى ان عربيتة ممكن تجيب 60 الف فى حين ان قيمتها مثلا وسعر السوق 45 الف لية؟؟؟؟؟؟؟؟؟؟؟؟ لانها بتعمل خمسات كتير وبيحكيلى ان ماك جايفر بطل المطاردات اللى فى الافلام العربى بيروح هناك واسامى بحس من كلامة انها مشهورة عالم ومجتمع موجود ولازم نعترف بية

ده شرف ليا يا أفندم أن حضرتك تشرفنى بالرد
طبعا انا أعرف عمرو ماكجيفر بس ما أفتكرش انه بيروح الميرغنى يخمس بعربيته الM3
بس فعلا بيتجمع شباب كتير هناك وبشوف عربيات متعدله و أشكال وألوان وحركات
وسعات بشوف واحد مشهور عندنا فى عين شمس سمكرى سيارات بيجيب اللانسرات الإيفو ويلحمها وياخد رقم الشاسيه من العربية الكريستالة أو المكواه ويركبها عليها ويطلع الميرغنى يعمل شو تخميس وتعريض يجنن الشباب ويبيع الإيفو ب 120 الف وهو مدخلها إنصاص ب 20 ألف بس الصراحة أتحدى المصنع انه يطلع عيب واحد فى العربية دى انها متلحمه