رد: الكورولا 1300 ولا 1600؟
بص انا الصراحه ما ركبتش الكورولا الشكل بتاع من 2004 لحد 2007 لكن انا معايا الكورولا ال 93 1300 سي سي والعربيه موتورها ماشاء الله ما تحسش انه 1300 خاااالص شديت كتير بيها مع النترا و تيجو و 504 ومره مع الطياره فيرنا الواد اتهبل وبقي يبص لي مش مصدق اني 1300 بس الشهاده لله كنت باحرق ع الغيارات ع الاخر عموما ال 1300 معايا بتجري وبتجيب لحد 150 بس بعد كده السحب بيقل شويه بس لازم تراعي ان اللي معايا عربيه عجوووزه يعني كتر الف خيرها انها جابت لحد 150 والتكييف معايا لانه كاربيراتير بياثر بس مش الللي بيقتل العربيه يعني السحب بيقل حاجه خفيفه وكل التاثير بيكون ف الاول والتاني يعني مجرد ما العربيه عدادها يجيب 30 او 35 بتطير ولا كانك مشغل تكييف وبتجري عاادي
خلاصته لو سالت اي ميكانيكي او تاجر بيفهم هيقولك اي موتور تويوتا 1300 بيساوي 1600 ف اي عربيه تانيه والموتور تويوتا ال 1600 بيساوي موتور 2000 ف اي عربيه تانيه والصراحه قعد يفهمني السبب بس بصراحه ما فهمتش حاجه لاني مش قووي ف الميكانيكا
|