رد: الردياتير مجننى الحقونى
شوفى هو غالبا اللى بيحصل كالاتى
فى كاوتشة فيها تشققات
لما العربية بتدور المياة اللى فى الردياتير طبيعى بتسخن والسخونة دى بتعمل امتداد غير ملحوظ فى كاوتشة المياة سواء فى الكاوتشة العلوية أو السفلية وده بيؤدى لتوسيع التشققات دى وتعمل تسريب بسيط للمياة ولما تبطلى العربية بعد فترة بترجع المياة تبرد تانى وترجع كاوتشة المياة لوضعها الاصلى وتقفل التشققات دى وتمنع تسريب المياة " وده السبب ان هى مبنقطش وهى مش دايرة" علشان كدة راجعى على كاوتشات المياة كويس جدا وزيادة استحراص اتاكدى من ربط الافيز كويس جدا لان ممكن ميكونش فيه تشقق بس التمدد للكاوتشة من عند مكان الربط
لكن لو السبب الردياتير فسواء العربية دايرة أو لا هتلاقى المياة بتنقط باستمرار
|