المشاركة الأصلية كتبت بواسطة شيخ عرب
تسلم يا حبيبى على الرد بس بالنسبة للكاربون والاستيكرات ما دام لون واحد غير لون العربية بتروح تثبتها على الرخصة ان العربية لونين وبالنسبة للزينون انا بسال على اللمبة اللى ب15 جنيه مش الكشافات
|
اللمبة عادى جداً وماحدش يقدر يكلمك
الممنوع هو جهاز الزينون اللى بيرمى نور على بعد أكبر من الطبيعى
أما الأستيكر حتى لو بلون العربية مخالف مخالف مخالف مخالف
ومافيش حاجة اسمها تثبت استيكر على الرخصة
هو ممكن الاستيكر يعدى فى حالة واحدة بس لكنه بارضو مخالف ولو حد رخم عليك هيلبسك مخالفة وهى:
ان العربية تكون لونين ومثبوتين عالرخصة وتيجى انت بقى تضيف رسومات بنفس اللون التانى .. يعنى لو لون العربية ابيض واحمر مثلاً وعملت رسمة حمرا على العربية عادى ممكن تعدى بدون مشاكل
هى دى الحالة الوحيد فقط اللى ممكن تعدى فيها
وفيه حالة تانى مجرد إستثناء نظراً لعدم معرفة ودراية رجال المرور من أناء وظباط
وهى الفينيل المطفى أو الأستيكر المطفى وده بيتشد على العربية كلها وبيكون بدون نقشات ومن الصعب حد يفرقه عن اللون المطفى من الدوكو إلا لو كان فاهم وشغال فى الحوار ده
وكلامى متأكد منه لأن كل ده انا سألت عليه وعملته فى العربية وعيشت معاه كل لجنة اعدى منها وآتاخدت مخالفة بسببه قبل الثورة كمان وده غير انى محامى
هههههههههههههه
وتحت أمرك ياباشا