لن تركع
عليا الطلاق مصر ما هتركع
الباشا فرد طوله تحت القبة واتمطع
إيه يعنى لما يقول ويعمل فيها مستبيع
أهه كلام فى كلام وكله بيعرضها وبينخع
قالها بعلو الصوت عليا الطلاق مصر ما هتركع
وكلمتى مش هاتنزل ما أنا أصلى واد مجدع
وحياة عيونكم هتشوفوا الخايب لما يتشجع
ماكانش عامل حساب الست هيلارى لما تتربع
وتحمر عيونها الزرق وتهددنا وتشرع
وتقول هتنزل ياحنفى وإلا هتتقطع
ياابن النظام القديم عينيك مكسورة وهاتخضع
وإن زودتها ياذليل أوراقك المخفية راح تطلع
قام كش حنفى وقال إيه يعنى استنطع
وأهى تنزل المرة دى والجاية مش هارجع
ده صباعى تحت الضرس بيألمنى وبيوجع
إن كان على الحلفان ماهو يإما حلفنا وبنرجع
أما القضا مش مهم هنرفع السماعة وهيسمع
والشعب بكرة هينسى ولو مانسيش أهه يولع
وفى ثانية نرضى الأكابر والطيارة راح تطلع
دى الست حكمت وقالت وما علينا غير نسمع
أنا صادق ومكدبتش وادينى باسجد ومش هاركع
هيه جديدة عليك اسجد وانبطح واخضع
تتذل وتجيب ورا لكن مصر ما تركع
العيب علينا سيبنا اللى زيك يحكم ويتمطع
هنموت ولا نسيبك ولا هنخاف ولا نخشع
مصر هتفضل كبيرة وانت بعارك تغور ولا ترجع
خواطر منقولة
تحياااااااااتى
|