[طارق عبد السلام]

اولا عمر التجليخ باليد ما يعطينا نفس المقاسات بالدقه المطلوبه

كده تمام
والكوبلن من التصميمات عاليه الدقه يعنى المقاسات بالواحد من عشره من المم

بس والله لو ايدك مظبوطه مع صاروخ الجلخ تقدر تجيب القاسات بدرجة قياس كويسه ثانيا انا مهنتى كلها تعتمد على حاسية اليد فى التجليخ يعنى تقدر تقول كل يوم الصبح على ريق النوم

تقريبا أنا قلت نفس الكلام ده لخبير ألمانى نظرا لما نتمتع به من مهاره الحاسه والخبره
قال لى ببساطه ان ايديك دى ليست ديجتال وضحك وقال عندك فى خان الخليلى امهر صناع النقش اليديوى قال لى مستحيل نفس اللوحه لو كررها صانعها 1000 مره لن تتطابق 100/100

ثالثاً درجة حرارة اللحام لاتؤثر على خواص الحديد نهائياً

أنا مش معاك يابشمهندس فى الموضوع ده
حضرتك ممكن يكون الخام مقسى كربونيا وممكن تسخين لدرجه فوق درجه الحراره الحرجه وممكن تحت درجه الحراره الحرجه وممكن يكون له اضافات كربونيه وطريقه التبريد بتكون مفاجئه أو تبريد على فترات

طويله التقسية: Hardening
التخميرAnnealing
المراجعة: Tempering
الاستعدال: Normalizing
التغليف: Case Hardening


كل ده بيؤثر فى صلاده وتقسيه المعدن

الكوبلن لو اتبرد معاك يبقى الحديد عادى ولو أزز معاك يعنى عمل زى اكنك بتبرد زجاج والمبرد بيتزحلق معاك وكل ما ضغط على المبرد يتزحلق اكتر

معاك يابشمهندس بس أنا شايف الجلخ بياكل عادى فى الحديد وحضرتك مقولتش انك بتعمل تقسيه للكوبن مثلا بعد الفينش
على العموم دى كانت بس استفسارات كان ممكن استفيد منها
واشكرك لسعه صدرك
مرفق ملف لحضرتك ان شاء الله ممكن يفيدك فى موضوع ارولمان بلى والكراسى
فائق احترامى الملف فى المرفقات