إيه الحلاوه دي يادكتور
الموضوع قديم بس انا لسه قاريه حلا وعجبني جدا
وكمان عجبنى إنك شكرت كتير فى اللانسر وده ريح قلبى, عشان بدأت دماغي تروح على لانسر 2007 أو 2008 تكون حالتها نضيفة, طبعا كنت شاطح وبفكر فزيرو وفكرت في أكسنت أربى أو سيراتو بس حسيت إنى زودتها وهزنق نفسي وإحنا فى أيام مش مضمونة.
فلاقيت إن عربية إستعمال بس محترمة ويابانى ومشهودلها بالكفاءة هيبقى أنسب لي فى المرحلة دي وخصوصا إني مسقتش غير مازدا 323 موديل 83 خليجي (مش عقده اليابانى والله, بس إللى ساق يابانى غصب عنه بيحن) بتاعت الوالد أول يد ولسه سايقها لحد دلوقت (الوالد من النوع إللى مش بيحب البيع والتغيير), فاللانسر هتكون نقلة رهيبة ليه حتى لو مستعمل, وربنا يرزق ونركب الزيرو فى المستقبل القريب وربنا كريم.
ياريت النصيحه, هل تفكيري منطقي؟ هل إختياري موفق؟ وياريت لو عندك وقت, أنا بعتلك رسالة بستفسر قيها عن اللانسر وتققيمك ليها.
ألف شكر وتقبل تحياتي وسرد رائع ومشوق
