[hazem_khidr]

كان معايا 132 و 125 لفترات طويله من الزمن
و العربيتين عفشتهم تعتبر واحد في كل حاجه
اهم حاجه يكون شاسيهات العربيه سليمه
فرده الشاسيه سليمه و الركبه اللي بيركب عليها الشدادات سليمه مافيهاش بارومه و ملحومه في مكانها مظبوط
90% من ظبط العفشه في 125 و 132 يتوقف علي حاله الشاسيه
نيجي بعد كده لمكونات العفشه
مبدأيا هتغير كل جلب المقصات و كاوتش الميزان و فبر المناول
دول اساسي مع اي صيانه عفشه و كنت بغيرهم كل 6 شهور او سنه بالكتير
تيجي علي البيض عندك اربع بيضات دركسيون لو فيهم حاجه بايظه تجيب الالماني
و قبل ما تركبهم يحط فيهم شحم علشان البيض يعيش معاك و عمره ما يملص ولا يحصل له حاجه طالما مكبوس شحم...
عندك بقي التيش الطوالي و التيشين الصغيرين برضه لو تعبانين غيرهم بس غالي لان اخر مره جايبه سنه 98 كان ب 400 جنيه الالماني...
خزنه الدركسيون بيربط علي البوش منها بس بيتقل الدركسيون شويه و الخزنه غاليه علي ما اعتقد
سالت عليها في 2004 كانت في حدود 500 جنيه و العفشجي بتاعي فكها و صلحها و لحد ما بعت العربيه كانت كويسه....
دا عفشه ال 125 باختصار شديد جدااااااا
ارجو ان اكون قد افدت و ارجو منكم الدعاء لي