المشاركة الأصلية كتبت بواسطة top gear
- هو ينفع ان واحد اختاره مبارك ووثق فيه ان الشعب يثق فيه.. ابسلوتلي
كلام مش منطقي تماما...مبارك اختارة عشان مكانش مكروه من الشعب
بمعنى اختارة كبش فداء للنظام ساعتها اي محاولة لتجميل النظام لمحاولة احياء الروح فيه...مش اختارة عشان سواد عيونه
- هو ينفع الشعب يدي ثقته لواحد لما كان وزير طيران اشترى القطار المعلق اللي في المطار بملايين الجنيهات فالمركب اللي جايباه غرقت في البحر فدفع ملايين تاني واشترى قطار اخر ومصر الطيران مديونة لطوب الارض..
الكلام دا اول مرة اسمعه وهو عار تماما من الصحة ...ومش لوجيك اصلا يعني ايه قطار وقع وغرق وراح جاب واحج تاني مكانه...يا سيدي لو فرضنا ان دا حصل هو انت تقدر تشتري حاجة هتستوردها عن طريق البحر من غير تأمين...يعني ماياما اساطيل سفن حاملة لسيارات بتغرق كانت شركات السيارات خسرت وفلست لو كلام حضرتك صحيح ...دا بافتراض حدوثه اصلا
وكمان مصر للطيران كلنا عارفين انها كانت هاتتباع زيها زي عمر افندي وهو وقف في وش البيع دا وهي دلوقتي ليها اسم وبتكسب كمان مش بتخسر زي مايتقال
- هو ينفع الشعب يدي ثقته لواحد باع اصول مصر الطيران من طائرات مملوكة للدولة وراح يأجر طائرات ايرباص
الكلام دا مردود علية في اول الموضوع...رجاء تتعب نفسك شوية وتقرا الموضوع من اوله تاني عشان خاطر الحق
- هو ينفع واحد يترشح للرئاسة فضلا عن ان هو يمسك الحكم انه يطّرد من امبابة لما كان رايح في حملة انتخابية
-الكلام دا وارد انك تلاقي دخيل على اي مؤتمر انتخابي لاي مرشح...اذكر ان في انتخابات 2005 دكتور نعمان جمعه كان عامل مؤتمر انتخابي في بورسعيد ودخله ناس يتهتف لمبارك وساعتها الجزيرة كانت مصورة التقرير دا وحصل احتكاك مع الراجل...يعني عادي بتحصل في احسن التجمعات الانتخابية
- نصيحتي ليك انك تخليها (دعايتك لاحمد شفيق) في سرك
انا بقى نصيحتى لحضرتك ان تكون محايد وتوزن الامور بنفسك دون التعرض لضغوط اصحاب الصوت العالي اللي حافظين بس ومش فاهمين
وتفتكر ان دكتور شفيق هو اللي امر بعمل لجنة تقصي حقائق عن احداث الجمل مما ادي لتقديم صفوت الشريف وفتحي سرور وغيرهم للمحاكمة...
/// |
الردود في الاقتباس واشكرك على المشاركة المحترمة