انا كنت محتار نفس الحيرة قبل ما نشترى الانسر سنة 2008 .. حقول لحضرتك بعض مزيا و عيوب العربيتين من وجهة نظرى الشخصية :-
الانسر
مزايا
الانتشار الواسع و توافر قطع الغيار
الوسع الداخلى
التابلوه شكله قديم شوية ... بس متناسق
العفشة مش ناعمة اوى و مش ناشفة
اعلى عن الارض من الموديل الى قبلها ( الكريستالة و المكوة )
اكثر ثباتا على الارض من الياريس ... عن تجربة
العيوب
الانتشار الكتير فى حد ذاته فيه ناس بتعتبره عيب
قطع الغيار الاصلية مش رخيصة .. و ان كانت ارخص من قطع غيار الياريس الاصلية
الياريس
مزايا
قوة موتور و عفشة معروفين و متجربين كتير ( ماتور و عفشة الكورولا الشكل القديم ) .... مرتكبش اللانسر 1300 اوتوماتيك ... علشان تقيلة فى السحب جدا ... بس ممكن تركب ياريس اوتوماتيك 1300 فما بالكم ب 1500 .. عادى جدا
الارتفاع عن الارض .. فيه ناس شايفاه ميزة علشان المطبات و فيه ناس شيفاه عيب علشان الاستقرار و الثبات
وسع الصالون الداخلى
وسع الشنطة
وكيل تويوتا احسن من وكيل لانسر
العيوب
التابلوه الى فى المنتصف ده بيعملى تخلف عقلى
و اهدر مساحة التابلوه تماما
قطع الغيار الاصلية اغلى شوية من الانسر ... بس معمرة اكتر من الانسر
مقدمة العربية صغيرة شويتين ... و اى خبطة لا قدر الله ... بتبوظ اللاكصدام و جزء من الكبوت
قطع الغيار غير الاصلية مش منتشرة زى الانسر
فى النهاية القرار ليك ... استخير ربنا و توكل عليه