[hazem_khidr]

انا عن نفسي ماعدتش بفتح شباك عربيتي لا صيف ولا شتا
الواحد بيقابل ناس ما يعلم بيها الا ربنا لدرجه اني فكرت ارجع الامارات تاني
حصل معايا موقف من اسبوع
ماشي في الشارع و واحد زنق عليا و عاوز يدخل شارع شمالي و هو جاي من اقصي اليمين
و مش عاوز يعديني المهم ان الباشا يدخل الشارع و طز في اي حد المهم قرصت و ماعدتوش لاني ما بحبش
السواقه بالدراع و انه يستضعف اللي راكب عربيه جنبه
شتمني بالزماره روحت فاتح الشباك و شتمته
مر يوم و اتنين و تلاته
و فجأه الاقي الباب بيخبط و الغفير تحت بيقولي فيه ناس عاوزينك يا باشا
ببص لقيته الواد و العربيه افتكرته
و جاي و جايب معاه جوز صحابه و يقولي انزل نتفاهم
و قعد يشتم في الشارع و عاوز يكسر العربيه و الناس مسكوه و اخد بعضه و مشي و قعد
يحلف و يقول و الله لمكسرهالك و ابقي قابلني في شارع كده و حتشوف اللي حيحصلك
بمنتهي الهدوء نزلت اخدت بعضي روحت علي الاسم
و كنت عملت تحرياتي و من رقم عربيته عرفت ساكن فين و اسمه الثنائي
و روحت لضابط زميلي في القسم عملت فيه محضر و الضابط اخد بياناته
الكلام دا الساعه 11 بالليل بعد ما جه البيت ب خمس ساعات
الساعه 12 بالليل لقيت والدي بيكلمني بيقولي تعالي لان الواد و ابوه هنا و جاين يعتذروا
!!!!!!!!!!!!!!!!!!!!!!!
اه يا عالم جبانه ما بتجيش غير بالعين الحمرا
مش حقولكم مسكت الواد و ابوه مسحت بكرامتهم البلاط خليت ابو الواد نازل من البيت عنيه مدمعه
و كلام من نوعيه ابنك مش متربي و انت ما عرفتش تربيه و كلام يوجع و والدي عمال يهدي فيا
و المهم بعد القاعده الكل اجمع ان طالما جه بيتي اروح اتنازل عن المحضر
قولتلهم اوك يجي معايا بكره اتنازل له
يقوم الواد رادد و يقولي ما انا كمان كنت ممكن اعمل فيك محضر و انا مش حاجي معاك انا مش بروح اقسام!!
قولتله غصب عنك كنت حتروح بكره و تتعرض علي النيابه و حتتبهدل احلي بهدله و الشرطه العسكريه تتصرف معاك (لانه في الجيش)
و والدي برضه جه عليا و قالي روح اتنازل
و انا ما روحتش اتنازلت و سايب المحضر لحد ما يبعتو يجيبوه و اروح النيابه اتنازل علشان يتربي شويه.
من الاخر ماعدش فيه اخلاق و الناس بقت وحشه ولازم تعرف تاخد حقك علشان تعيش في البلد دي