[أيمن الروبي]

والله يا جماعة الواحد قرف منهم جامد اوي ده انا كل يوم خناق مع انتين تلاتة منهم وخصوصا اني بتحرك بالعربية مشاوير كتير وكل مكان بروحه كبيري عشر دقايق وانزل تاني البهوات مبيعجبهومش الفلوس اللي مديهالهم ده هم 10 دقايق عاوزيني ادفعلهم 5ج في كل ركنة وانا كبيري جنيه واحد واللي بيزمزء بخدوا منو تاني وبتخانق معاه يعني كل ماركن 10 دقايق ادفع 3 او 5 جنيه ده حتي حرام والله ده انا كمان في سياس علمتهم الادب لما بيشوفوني ميقدروش يتكلمو معايا عرفني مقرف
1-عدد 2سايس في ميدان سفنكس امام مول الكومبيوتر كل يوم خناق معاهم لما زهقو مش بخل والله بس هما مش متربيين وفكرنا بنخاف
2-واحد امام شارع البطل احمد عبد العزيز في جامعة الدول قبل بنزينة مصر للبترول ده بقي يسيبك تركن وتدور علي مكان وتعيش مع نفسك وتدوخ لحد متلاقي مكان وانت ماشي بقي يقولك فين الفلوس طبعا مش بديلو حاجة
3-كنت في باب الشعرية وجيت اركن لقيت واحد طلعلي امبارح بيقولي هتركن اد ايه قولتلو نص ساعة قالي عشرة جنيه قولتلو ماشي ركنت ولما رجعت اديته 5ج وعملت معاه حتة خناقة
وقصص كتير بقي عاوزة ايام احكيها
4-مرة كنت في احد الشوارع الجانبية في مصدق وواحد حاطط اقفصة عشان محدش يركن الا بإذنه روحت دايسلو علي تاتة بيقولي انت مش واخد بالك قولتلو افتكرتهم زبالة روحت دايس عليهم
5-واحد سايس في الزمالك في شارع شجرة الدر حاطط حجر في مكان فاضي عشان محدش يركن الا بإذنه وانا عندي العربية عالية روحت راكن فوق الحجر ولما رجعت قعد يبص وعملت عبيت وجه وقف جنبي عشان اديلو فلوس روحت سايبه وماشي
6-مش كفاية غلو البنزين وقطع الغيار والمصنعيات ناقصة بقي الصيع دول نعملهم ميزانية لوحديهم