شكرا لردك وان كنت برضة عايزة الصور !!!!
نيجي بقي للموضوع ومعلش مقدرتش اقتبس لان كدة هيبقي ردي عبارة عن 4 صفحات !!!
حضرتك شايف ان الصورة واضحة وضوح الشمس لكن انا مش شايفة كدةوانا ما زلت عند كلمتي لا اؤيد وضع البروجكتور امام المصلين ان كان يلهي عن الصلاة يعني لو فعلا دة حاصل اكيد دة غلط بس في حاجه انا معرفش المسجد دة من جوة عامل ازاي ومساحته اد اية والمنبر فين وهل دي زاوية ولية 4 مصلين بس اللي في الصورة يبقي اكيد دي مش صلاة الفرض في موعدها وفين الامام واية المواسير البيضا اللي قدامهم عالارض دي هل دة المسجد من جوة ولا اية وعشان كدة طلبت صور اضافية لان الصورة دي انا معرفش مين ملتقطها ولا اعرف زوايا المسجد وتفصيلاته ولازم عشان احكم يكون علي بينة دة طبع فية للاسف لازم اتاكد كويس جدا من اي شئ قبل ان اصدر حكم حضرتك متعممش المساجد احنا دخلنا اصلا في الموضوع عشان مسجد الاسد يبقي لو في امكانية لتصويره من الداخل بموضع المنبر بكل تفاصيله يا ريت
المقصود من باحب رئيسة الكلية ان احنا فعلا كان عندنا انتخابات لعميدة الكلية فعلا من فترة وكان مترشح ليها اكتر من فرد يبقي انا بتكلم عن ان من الطبيعي جدا ان انا زي ما حضرتك بتقول هأيد حد معين لاعمالها او لمواقفها او او ولكن ليس المقصود إعمال القلب دون العقل لان انا بانتخب عميدة
يعني من الاخر احب= افضل ليس الا
والا بقي معني كدة ان انا اتنازل عن صوتي ومانتخبش خالص لان انا افضل فلان دون فلان باختصار انا لية راي وشايفة ان حازم كويس يبقي لازم هقف معاه واايده وانتخبة مش عيب ان انا اقول ان المرشح الفلاني محبوب لان الرسول صلي الله عليه وسلم في وصيته لمعاذ قال وخالق الناس بخلق حسن يبقي لماالاقي واحد اخلاقه صح يبقي برنامجه الانتخابي وتنفيذه للبرنامج اكيد بإذن الله صح
اما بالنسبة لاسلوب المؤيدين
اولا لو حضرتك عرفت نسبة مؤيديه هتعرف لية ان من الطبيعي ان يبان فيهم العيوب اكتر بمعني هو مؤيدينه كتير ونسبتهم عالية وكالعادة دايما الناس بتركز مع الافعال الوحشة بس مع ان دول قطاع كبير من البشر وبعدين انا الي الان مش شايفة من مؤيديه حاجه غلط الحاجه الوحيدة الملصقات وهو نفسه رفض الموضوع دة ونبه ليه وبعدين احنا مش هنتصيد الاخطاء لكل حملة احنا عايزين الايجابيات لكل مرشطب لو حضرتك بتتكلم عن مؤيديه ما هو المنتدي هنا صورة مصغرة للشعب والناس اللي هنا هم هم اللي موجودين برة يبقي ليه بتقول علي العموم طب ما احنا العموم انا مش هذكر عن مؤيديه هنا اللي حضرتك اختزلتهم فيه او المهندسة سلوي ولكن من اول الموضوع هتلاقي افراد كتير ودة كمان اللي اتكلم فيه اللي شكر وبس ومبتكلمش عن فكر مؤيديه ولكن عن الاخطاء او الاساءة في الالفاظ
وبعدين اللي حوالية في الانتخابات دلوقتي هم اللي هيبقو حوالية في الحكم ؟ فين مجلسي الشعب والشوري فين الوزراء فين الاحزاب اللي متخليين عنه دلوقتي بما فيهم حزب النور السلفي اللي هو باعتقاد الناس اصعب حزب وحتي الحرية والعدالة حضرتك عارف ان في ناس كتير جدا من الجزبين اللي اعلنو عدم تاييده راحو ورشحوه برضة رغم ان دة بيعرضهم للفصل من الحزب ؟
كون حضرتك بقي بتتكلم عن السلفيين وعن واقعة بذاتها وعن الفتنه حاليا عايزة اولا اقول ان انا ثابته عند كلمتي من اول ما دخلت الموقع متبصش للسلفيين كاشخاص ولكن كمنهج
للحديث بقية