[ahmed_kamel]

المشاركة الأصلية كتبت بواسطة Kossama شكرا يا أحمد باشا أنا لسة مش حشترى دلوقتى. أنا عربيتى الآن كورسا 1600 عبها إنها مانيوال و صغيرة حبتين وأنا بفكر أغييرها على السنة الجاية. وربنا يسهل. على فكرة أنا كنت بفكر فى الجيتا والأكتافيا والفكترا والمازدا3 أو مرسيدسC180 مستعمل2004/2005 أيه رأي مشرف القسم الكبير

ياعم لاكبير ولا غيره ... أنا راجل غلبان وعادي جدا ... المهم

إبعد عن الفيكترا تماما عن تجربه .... صيانتها كثيره جدا بسبب العمر الإفتراضي القصير جدا لقطعة الغيار ... خاصة العفشه .. شيء في منتهى السخافه مش معقول تغير حاجه إسمها البطاحات بتبقى فوق المساعدين الأماميين كل ستة أشهر .. والمساعدين ورا وأقدام كل سنه .. ده غير بيض المقصات والتيش والميزان
ده غير علبة الدريكسيون ... ومشاكل التكييف التي لا تنتهي
من الآخر إبعد عن الفيكترا

نرجع للباقي
أفهمك لما تقول جيتا أوكتافيا C180 بس تروح زاقق بينهم مازدا 3 تبقى المقارنه تاهت ptmnlo123per1127

المهم الترتيب كالتالي (بالنسبه لي ... وسأضع السبب)

1-C180 مرسيدس >>>>>> (قطع غيار ذات عمر إفتراضي كبير . سعر إعادة البيع ليست به خساره كبيره - بتمسك سعر - , سهولة البيع بسرعه ووجود الزبون أو التاجر مفيش أسهل من كده , بس المهم الحالة بتاعة العربيه اللي حتجيبها لازم تكون أساسياتها سليمه تماما ومش رشه جوه وياريت طبعا لو مش رشه بره - وإن كنت أرى أن 2005 صعب تلاقي مش راشش بره على الأقل-)

2- جيتا >>>>>>>>> سياره مفيش عليها كلام , ولكن ليست بمستوى المرسيدس بالتأكيد , تقيله شويه صغيرين في البيع ولكن تقدر تقول ماشي مش مشكله .

3- الأوكتافيا >>>>>>> سياره حموله وإن كانت بنت عم الفولكس فاجن ولكن كثرت مع العامه (بمعنى من الممكن أن تجد جزار أو فكهاني معاه أوكتافيا لكن مش ممكن تلاقي معاه جيتا) - ده طبعا مش تقليل من السياره ولا من اللي راكبينها لكن تحليل لطبقات المستخدمين وأنواعهم فقط لاغير-
......ولكن سهله في البيع (أسهل من بيع الجيتا)

4- مازدا 3 >>>>>>>> وإن كنت لست معها وأنا قادر على شراء كل ماسبق ولكنها ليست بسيئه وإن كان لي تحفظ على قطع غيارها وتوفرها والوكيل أيضا مبهم ...... وتقيله جدا في البيع