رد: لية استفسار فى كهرباء 131
احب أضيف معلومة لعلها تفيد فى المسألة
انا عندى عربية 128
عملت دكتوراه فى الابلاتين والكوندنسر
انترنت وكتب وفيديو وتركيب وتوصيل وفحص
وكمان تجارب عمليه على كل شىء تركيبه وخلوصه
يعنى من الاخر بقيت والحمد لله احسن من الميكانيكى فى الابلاتين
ودرست ايضا الاسبيراتير الالكترونى
ووصلت فى النهاية الى
فى مصر بس مش باقى الدول
احسن اسبيراتير هو العادة لان الالكترونى زى ما قال الاخ الكريم ممكن يفصل
احنا عايشين فى ظروف صعبة
ولو قطع هتبقى مشكلة لازم تكون معاك شريحة احتياطى
ولازم ميكانيكى الى يركبه وهتدوخ عليه مش هتلاقيه ولو لاقيته هيبقى مستعمل
والى هتوفره فى الالكترونى هتدفعه للميكانيكى ده غير العطلة والدوخه
وقطع الغيار الالكترونى قليلة ومش بتنزل جديدة
وكمان سحب الالكترونى مش زى العادة ده اقل
وصعب يتضبط على السرعة زى العادة بنقدمه وناخره براحتنا
ولكن اتعلم ازاى تركب العادة وتتعامل معاه وخليه روتين
اتعلمه هتلاقيه سهل
وبالنسبه للمضروب
ما فيش أصلى
الكل مضروب
حتى المضروب بقى مضروب تخيل دى
يعنى يقولك ده الاصلى المضروب
وده مضروب الاصلى المضروب
بس الكل شغال
ياخد يومينه ويروح
ابقى قول للراجل عايز ابلاتين صينى او مصرى ارخص حاجة المضروب
علشان ما يضحكشى عليك ويديهولك هو هو على انه الفرنساوى او غيره
ريح نفسك واوعى يضحك عليك واضحك انت عليه
ومعلش طولت عليك
|