[salahabdelnabi]

والله انا شايف ان المشكلة كلها اساسها الضمير
والضمير هو العقل الباطن اللى اتفطر على فطرة الخالق عز وجل من اتباع الحق وكره الباطل بكل مافى الكلمتين من معانى
ولما الضمير نام وبقى فى غيبوبة اصبح الانسان مرتعا لكل وساوس النفس قبل وساوس الشيطان لان النفس كما اخبر رب العزة النفس امارة بالسوء واصبح مالهاش لجام اللى هو الضمير
وبالبلدى كده ان غاب القط العب يافار وزاى ماقال الاستاذ اسلام احنا اتربينا صح فى زمن غلط وكان نفس احساسى تجاه والدى رحمة الله عليه واللى بادعى ربنا ليل ونهار انه يجعلها فى ميزان حسناته
واللى زود البلة طين ان الناس زمان رغم مشاكلها وفقرها لكن الضمير كان صاحى والرضا كان موجود
لكن دلوقتى عرفو اللى بالى بالك يشغلونا بالجرى ورا لقمة العيش ولو اتحلت مشكلة العيش يبقى تشفير الدورى ونذيع والا مانذيعش ولو دى كمان اتحلت يبقى نظام الثانوية العامة وبرضه لو اتحلت يبقى هايطلعولنا بأى حاجة تشغلنا عن عمايلهم السودة ......... ليه عشان ماعندوهمش ضمير
و بالتالى الاب سايب البيت عشان يعمل فلوس لولاده ولو موجود معاهم بقى زاى قلته مالوش كلمة والام مدلعة بناتها ومهننة صبيانها ومابقاش فى الغيرة والنخوة على حريمنا والكل بينهب عشان بس يقدر ياكل ويعيش ويسكن
الضمير ياسادة اساس كل شىء
عندك ضمير هاتحكم بالعدل ....... الكل هايعيش فى امان ....... الرضا والقناعة هاتبقى فى قلوب الناس
الحق هايسرى على الكل ........... الباطل مش هايبقالو مكان
واحب استشهد بقصة رسل كسرى لأمير المؤمنين سيدنا عمر بن الخطاب رضى الله عنه وارضاه
لاقوه نايم تحت شجرة متوسد نعليه دون حراسة فماذا قالو
حكمت فعدلت فأمنت .......... فنمت ياعمر
وحفيده خامس الخلفاء الراشدين غة عهده كانت الذئاب ترعى مع الحملان من عدله
والعدل نابع من الضمير
يبقى المشكلة اساسها ايه ؟؟؟؟؟؟؟؟؟ وحلها ايه؟؟؟؟؟؟