من البداية ...نصلى على الرسول
صلى الله عليه وسلم
واللى يصلى بالرضا موصول
ونبدى القول ونقول
دية حكاية شعب ثار
على ظلم مسئول
فشى الداء فى البشر
والجسم صار معلول
ومنين نجيب الدواء
وده كلام مقبول
الام بركت ياناس
والقلب بقة مشلول
الكل مضرب ومعترض
واللى ساكت يقولوا ...فلول
امى يامصر يأم القول
يأم الضحكة الرايقة والاصول..
شدى حيلك وقومى
مسير الحق راجع مش حيطول
وتنتهى العتمة والظلم يزول
ويطل الفجر يدق طبول
اوعوا تقولوا دة كلام معقول
دة كلام طالع من قلب عاقل مش مخبول
بقلم ...م/ همت
مصرية دايبة فى عشق بلدها