[YahiaAshraf]

بسم الله الرحمن الرحيم

انا هشرح قصتى مع مصر موتورز و ازاى انا عرفت المنتدى بالتفصيل الممل


------------------------------------------------------------------------------------


انا بعشق حاجه اسمها عالم سيارات
و كل حاجه عن السيارات عموما

فكونت بحب لما اسمع عن عربيه جديده اكتب على جوجل و اشوف التفاصيل

كل لما ادوس على حاجه يجيلى منتدى مصر موتورز

فى كل مره

لما اكتب استفسار على جوجل الاقى يطلعلى مصر موتورز

و بعدين بقى

قولت هو مفيش غير المنتدى ده بس

مع انى قبل مسجل فى المنتدى مكونتش اعرف يعنى ايه منتدى اصلا
و مكونتش مسجل فى اى منتدى
يعنى مصر موتورز ده اول منتدى انا اسجل فيه

يعنى خلاصه الكلام
انا كونت قبل مصر موتورز
جاهل منتديات

المهم فضلت شهرين على
و فى الاخر قولت


اقسم بالله لانا مسجل فيه لان دى حاجه مش طبيعيه كل شويه يطلعلى فى اى موضوع
و اقسم بالله هسجل
طب تلاته لانا مسجل
و حياة سيدى اللهلوبى لانها مسجل

المهم سجلت
بس فضلت اسبوعين مجيش ناحيه المنتدى خالص

بعديها قولت اعمل كام موضوع و شويه ردود

اول ناس شوفتهم و كل التقدير و الاحترام ليهم
كان الاستاذ الفاضل ابو نورا ربنا يباركله
و الاستاذ حازم شاهين

و العضو كورسير

و طبعا بعديها عرفت اعضاء كتير

و كان عجبنى اوى التفاعل اللى بين الاعذاء مع بعضهم و تفاعل الاداره فى المنتدى مع الاعضاء
من ساعتها و انا قررت انى مش هبخل على اى عضو باى معلومه

وانى هفيد كل الاعضاء بخبراتى
مع العلم ان فى منتديات سيارات كتير
و مشهوره

و فى منتدى بدون ذكر اسمه سجلت فيه بس بعد مصر موتورز

و فى الاخر رجعت للمنتدى هنا تانى

انا فى خلال سنه كانت مشاركاتى فوق ال3000
و دلوقتى فوق ال3700

لانى بصراحه كل جهودجى بحطها فى المنتدى هنا
و لولا مشاغلى كان زمانى صبح و ليل على المنتدى و مش بقوم

انا عاوز اقول انى بقيت مدمن حاجه اسمها مصر موتورز


يعنى انا اول حاجه بعملها لما اجلس على الكمبيوتر او اللاب بتاعى

افتح منتتدى مصر موتورز اول حاجه




و دائما هفضل فى خدمه مصر موتورز

و انا سعيد جدا بانى اتعرفت على اعضاء كتير جدا جدا جدا

و احب اشكر كل القائمين على المنتدى و اشكر الاداره

و اشكر كل الاعضاء

و نرجو التفوق و المزيد من اجل مصر موتورز



تحياتى