المشاركة الأصلية كتبت بواسطة AboNoRa
المحرك الثنائى الصمامات
اداء المحرك على السرعات البطيئة
عزم اكبر مع استهلاك وقود اقل
على السرعات العالية
عزم متناقص او ثابت
اسهل فى الصيانة والاصلاح
المحرك متعدد الصمامات
اداء المحرك على السرعات البطيئة
عزم اقل مع استهلاك وقود اكثر
على السرعات العالية
منحنى العزم مداه اكبر وبالتالى العربية بيبقى لسه ليها عزم
اصعب فى التهيئة والاصلاح
وعامة تعدد الصمامات بيزود القدرة (الحصانية) للسيارة لاكن على حساب العزم فى السرعات الاقل بالاضافة لاستهلاك الوقود
لاكن مع انظمة الحقن الالكترونى الاستهلاك بقى افضل بكتير وده شجع الشركات انها توفر محركات متعددة الصمامات بشكل اكبر
فممكن تلاقى عربية 16 صمام بتستهلك زى ال 8 لو الاخيرة كرابراتير والاولى انجكشن ده لو العربيتين متماثلين فى كل حاجة
لاكن كمان علشان تحس بفرق جوهرى فعلا من الموتور المتعدد الصمامات لازم يكون
1- اداء تغذية الوقود (طلمبة البنزين + كرابراتير / انجكشن)
+ اداء مجموعة العادم (هيدرز + شكمان ) افضل من الثنائى
واحيانا التزام مصمم المحرك بمعايير البيئة يضيع الكثير من اداءة
واخيرا بالنسبة للتعديل يستحب استبدال المحركات الثنائية بمتعددة الصمامات لانها يمكن زيادة ادائها عامة بشكل كبير فى حالة تعزيز توفير خليط الاشتعال (بالتربو شارجرز وبتركيب طلمبات وقود رياضية )
+ تحسين اداء نظام العادم بتركيب هيدرز اكبر ونظام عادم ستريت
مع كامتين سبور وكباس سبور وجوانات مش عارف مالها الخ الخ
وبكده تبقى استغليت تصميم المحرك متعدد الصمامات وثنائى الكامة باقصى ما يمكن لاكن الكلام ده لو اتعمل فى عربية موتورها ثنائى الصمامات مش هيدى ابدا نفس الاداء ومش هيستحمل اساسا
اعلى عدد صمامات للسيلندر الواحد كان 6 صمامات للسيلندر وده فى عربية ميزارتى V6 2000CC
|
من عيوب المواتير ال 16 صباب هو ضعف مقدار الكبس فى كل سلندر بالمحرك بشكل ملحوظ مع قدم هذه المواتير
و تحدث هذه المشكلة بها اسرع من المواتير ال 8 صباب و هذا بسبب ترسب الكربون على نهايات الصبابات و خاصة صبابات العادم
مما يجعل عملية الكبس داخل السلندر ليست محكمة تماما و خاصة اذا كان كل راس سلندر يحتوى على اربع صبابات قديمة فيكون تأثير ذلك واضح جدا عن السلندر الذى يحتوى على صبابين فقط
هذا غير ان ال16 صباب يشكلون حمل اضافى على المحرك فى تشغيلهم اكثر من ال 8
و من عيوب ال16 صباب ايضا هو ارتفاع صوت المحرك بشكل ملحوظ عن المحرك ال 8 صباب
و لكن السؤال الذى يطرح نفسه
لماذا لم تقوم شركات السيارات بتكبير الصمام و فتحته بدل من استبداله ب 2 للوقود و 2 للعادم فى كل سلندر ؟؟؟؟؟
مع العلم ان فى مصر ناس بتقوم بخراطة فتحات الصبابات و توسيعها و تركيب صبابات اكبر للسيارات ال8 صباب لتحسين الاداء و هذه الفكرة شغالة و ناجحة !!!!!