رد: الحيـاد السويسـرى
شكراً يا هشام باشا على الطرح واستحملنى شوية فى اللى هقولة
اولاً انا جريت اول ما شوفت العنوان لانى بحب سويسرا جداً من صغرى ومعجب بيهم حضارياً لابعد مدى
وتخيلت ان هلاقى موضوع بيتكلم عن مواطن التحضر وعوامل النجاح فى التجربة السويسرية
بس اللى لقيته كله كلام مؤامرات اسطورى
وان كنت من المؤمنين بنظرية المؤامرة وان كنت قارى البروتوكولات وانا فى اول ثانوى تقريباً
بس مينفعش ابداً اننا نلخص التجربة السويسرية فى الاسباب ديه (ان كانت اسباب اصلاً)
والقارىء للواقع السويسرى يعرف ان موضوع الانضمام للاتحاد الاوربى لسه مش محسوم تماماً وهو لما حسم اول مرة كان باستفتاء وحالياً ومستقبلاً الاوضاع بتتغير وهتتغير وممكن باستفتاء شعبى تانى نلاقى سويسرا ضمن الاتحاد الاوربى
غير كده سويسراً منضمة فعلاً للعديد من التحالفات الاقتصادية فعلاً
سويسرا عضواً عام 1960 في ا لمنظمة التجارة الحرة الاوروبية (EFTA) و عام 1963 في المجلس الاوروبي.
لكن علشان الصورة تتفهم وتبقى اوضح لازم نعرف ان سويسرا نموذج فريد من نوعة فى اوروبا
زى دول كتير اوروبيه فريدة فعلاً زى انجلترا مثلا
سويسرا بلد موقعة الاستراتيجى مهم جداً زى مصر كده وده فى حد ذاته مغنم اقتصادى كبير ده غير كونها من اكثر 15 دولة تصديريه فى العالم نتيجة لموقعها طبعاً بالاضافة الى تميزها تجارياً وصناعياً
سويسرا محتكرة تقريباً صناعات تقنية زى توليد الكهرباء وصناعة الساعات القيمة
سويسرا بتنتج قرابة نصف احتياجها من المواد الزراعية بواسطة 4% فقط من سكانها العاملين فى الزراعة والفضل يرجع للادارة والتقنيات برضو
سويسراً تحتل المركز الاول على مستوى دول اوروبا فى التعليم وفيها اعلى نسبة طلبه اجانب بيجو من كل انحاء اوروبا حتى الدول الغنية فيها علشان يتعلمو فى جامعتها العريقة والمشهود لها بالتفوق العملى على المستوى الدولى
سويسرا فيها سياحة وفيها صناعة زراعة وكل مقومات الاقتصاد الناجح المتنوع وكل ده على تعداد سكانها كله قد سكان حى المطرية وعين شمس تقريباً (حوالى 8 مليون نسمة)
الخلاصة سويسراً مش متقدمة علشان عندها بنوك وبس بالعكس يمكن حتى من غير التميز المصرفى برضو هتبقى دولة محترمة وغنية
وده برضو ليه اسبابه
اهمها فى رائى انها دولة اتحادية
دولة فيها مسحيين كاثوليك وبروتستانت وشرقيين ومسلمين وملحدين كمان دولة فيها حوالى 3 لغات رسمية ( المانية وفرنسية وانجليزية وايطالية) ومع كل ده استقرو على دستور يعتبر من اقدم الدساتير فى العالم وليهم تجربة ديموقراطية رائدة وناجحة ومستقرة (نظام الديمواقراطية المباشرة )
الشاهد ان المؤامرات لا تصنع دول ولا تسقطها انما انظمتها السياسية الحاكمة هى المسئولة عن نجاح او فشل اى دولة مهما كانت مواردها او ظروفها
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|