المشاركة الأصلية كتبت بواسطة ayman abdelrazek
ربنا يديم الموده بيننا دائما يا رجاله
ودايما المقابلات اللى بتبقى سريعه ومن غير تحضير
بتبقى ممتعه وبالذات مع الثنائى سام وانور
فاكرين قاعدة الزمالك (كانت مقابله حكايه)
بس ايه؟
القاعده كانت ناشفه ليه كده مفيش غدا ولا ايه؟ptmnlo123per1102
ايه يا سامح ده انت سامح الطائى
بس المكان شكله رائع ماشاء الله
وانا اقول الابداع ده مش طبيعى
اكيد الاجواء عندك مثاليه للأبداع
|
كانت القعده دي فعلا عايزاك يا ايمن .. ptmnlo123per1141
تعالو بس وليكو عندي اجدعها غدا ..
لأني فعلا قصرت مع احمد و معملتش الواجب اللازم ..لما كلمني كنت لسه واكل .. بس حبست معاه ptmnlo123per193
لازم تيجو بقى علشان نعمل الوجب صح ptmnlo123per122
المشاركة الأصلية كتبت بواسطة cairo2005
ايه ده بقة سام رام اسمه سامح
وكمان مهندس
ايه الحصار ده الموقع كله ما بين دكاترة ومهندسين
بس بجد الصور تحفة والمكان روعة انا واحد صابي كان واخد شقة هناك وباعها
وتقولي مش اقطاعي يا سام وانت قاعد في كمباوند وكان عندكم ارض في الشرقية
ده انت من بيتكم للمدعي الاشتراكي على طول (احمد ربنا اتلغي خلاص)
بجد كنت متوقع انك كدة حد جميل ومحترم
ولا وصف احمد انور للرحلة وخصوصا بلاد تشيل وبلا د تحط حسسني انه رايح الواحات نفسها مش طريق الواحات واكيد انت عرفت ميزة ان العربية ميبقاش فيها ايرباجز كان زمانها اتفتحت من القطر اللى كان جنبك على الفاضي
تصدق انا المشرف بتاعي في اكتوبر والمفروض اروح له كل شهر مرة على الاقل والله بتعدي شهور من غير ما افكر اتصل بيه عشان ميقوليش تعال من خوفي من طريق اكتوبر
اسوا طريقين بخاف منهم في حياتى طريق اكتوبر وكوبري كفر الزيات الجديد قمة الرعب
اه قبل ما انسي لو غامرت ورحت اكتوبر والله ما هرحمك يا سام من عزومة
|
كايرو باشا sam ram
اختصار sameh ramzy
يا باشا الشقه دي من 12 سنه كان تمنها معقول جدا على اساس انك بتشتري وهم في الصحرا و تستلمه بعد 4 سنين .. ومكنش في حوالينا أي حاجه
هو فعلا مطلع الاشجار على الطريق مرعب شويه ... لازم الواحد يكون واخد باله كويس اوي و محضن جنب الطريق والا القطر يشيله .. وساعتها الايرباج مش حتحوق
ودي صور من التراس علشان نشجع دكتور بلبلان على الزياره و نثبت لاحمد باشا إن كامير الموبايل زي الفل
الصور دي انا اضطريت اصغرها بالفوتو شوب علشان موقع التحميل قالي حجمها كبير و مرضاش يرفعها
معلش صور كده من التراس على السريع
