رد: مصروف العربية كااااام..... بيت تانى بجد؟؟؟
بص ياباشا مع احترامى لكل الاراء السابقه انا شايف ان متوسط 300 جنيه شهريا ممتاز واكتر من ممتاز بس ده حسب الاتى
1- انت ساكن فين يعنى فى القاهرة ولا فى محافظه هادئه يعنى مثلا المشوار بيعمل معاك قد ايه وقت انا مثلا فى الاسماعيليه اطول مشوار ربع ساعه مثلا القاهرة اقل مشوار ساعه وهكذا
2- انت بتمشى كام كيلو فى الشهر يعنى انا مثلا بمشى 2000 كيلو كل شهرين وممكن اكتر وبغير الزيت التعاون الاحمر او البرتقالى ابو 60 جم كل شهرين
3- العربيه حالتها ايه يعنى بتاكل بنزين بس موديل 2005 المفروض يكون الاستهلاك كويس
4- انت بتسافر بيها ولا لا يعنى لو بتسافر كتير اكيد هتصرف كتير دى نسبه وتناسب
5- انا عربيتى 128 موديل 80 بحط فيها ب20 جم بنزين كل اسبوع او عشر ايام وعلى فكرة ومع كده انا شايف انها بتاكل بنزين
6- يعنى انا بصرف شهريا بنزين وزيت حوالى 100 جم وقول ال200 جم علشان الصيانه الدوريه والترخيص وغيرة
انت برضه بتشوف ظروفك ايه وبتقدر تحوش كام فى الشهر يعنى مينفعش يكون المرتب 900 او الف يعنى مثلا 1500 جم علشان اي ظروف مفاجئه او خبطه لاقدر الله
والاهم من ده انك تتعامل مع صنايعيه كويسين مش حراميه لا لو معملتش كده مش هيكفيك ولا 500 جم انا واحد بتاع دهان اخد منى 750 جم وعمل لى دهان زى الزفت بس بعدها اتعلمت وقمت مسمكر العربيه بنفسى ومعجنتها ودهنتها بنفسى
من الاخر العربيه مفيده جدا وبتنفع وفكر فى يوم تكون نازل متاخر ومستنى مواصله ولا تاكسى بالساعه والاتنين ولا بتوع التكاسى يتنططوا عليك ويقولك ان كان عاجبك
ده رايي الشخصى وربنا يوفقك
|