رد: محتاج مساعدتكم بسرعه فى شراء كيا برايد
مفيش تعب ولا حاجة وتحت امرك فى اى استفسار دائما انا خفت بس متكونش وصلتلك رسالتى
وبالنسبة لباقى الاستفسارات
1- ال 1300 افضل طبعاً خاصة لو عايزها بتكييف بس كده احنا بنتكلم على سيدان برضو لان الهاتش باك الكورى القديم كان اغلبة بينزل 1100 بدون تكييف
2- الكورى تقفيله انضف طبعاً بس احنا بنتكلم عن عربيات ماشية فى الشارع بقالها 15 سنة وشوارعنا كفيله بتفكيك كل ما تم تجميعة فالفرق فى النهاية مش كبير والفرق الحقيقى هو الحالة الفعليه للعربيه ممكن واحد معاه عربيه تقفيل كورى وعادمها العافيه ومغير اغلب قطع الغيار بحاجات مش اصليه ووممكن واحد معاه تقفيل مصرى او ايرانى ومحافظ عليها وبيجبلها قطع غيارها الاصليه علشان كده لازم تعاين الحالة كويس
اخيراً بالنسبة للنقاط 3 و 4 الخاصين بالكشف على العربيه ففى رائى ده ضرورى ومش صح تكشف عليها لوحدك لان ممكن يكون فيها مشاكل ميكانيكا وممكن يكون فيها مصايب فى السمكرة فى الاساسيات وانت متعرفهاش فانت بس تربط الاتفاق على العربيه اللى تشوف حالتها كويسه مبدئيا وسعرها مناسب وتصلى استخارة وتتوكل على الله وتاخدها تكشف عليها طلعت تمام تنفذ فيها كلام تتكلم مش تمام تسيبها وتمشى
معلش هو شراء المستعمل متعب اكتر طبعاً
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|