[bebonet]

السلام عليكم
طبعا ركن العربيه يعتبر فن
يعنى ممكن تكون بتعرف تسوق بس مش بتعرف تركن
وعشان كده انا لقيت ان الموضوع مهم جدا
وكتبت الموضوع بتسلسل بسيط للمبتدئين
واللى يحبو يضيفو معلومات جديده
1-لو هاتركن خلف سياره كبيره مثل اتوبيس رحلات مثلا من المستحب انك تركن ناحية المرايا الشمال للاتوبيس عشان السائق لو رجع بالاتوبيس عشان يوسع لنفسه ويطلع يشوفك فى المرايا لو وسطنت نفسك وسط الاتوبيس مش ها يشوفك وممكن يخبطك
2-لو ركنت فى شارع مستوى مافيهوش منحدرات امامك او خلفك متشدش فرامل اليد على الاخر لسبب بسيط هو انك ممكن وانت راكن
تيجى سياره من خلفك بسرعه جامده وتخبطك وده بيحصل بالذات فى مصر عن دول العالم
لان فى ناس بتاخد برشام صراصير ههههههه
والفايده هى ان لو شادد الفرامل على الاخر الخبطه هاتبقى جامده ولو شاددها خفيف
السياره هاتتحرك مع الصدمه وتبقى خفيفه
3-حاول عدم الوقوف عند تقاطع الشوارع لان هذا المكان بيكون اخر الشارع والسيارات ممكن تخدشك وهى بتنحنى لدخول الشارع
4-عندما تكون على شارع منحدر بعد ركوبك السياره لا تفك فرامل اليد الا بعد التاكد التام على ان الاشخاص الذين معك ركبو السياره جميعا لانك اذا فككت الفرامل وهم يركبون السياره سوف تنحدر وتسقطهم وإذا لم يحدث جروح ستكون فى حرج كبير ممن معك
5-لاتنزل من سيارتك بعد الركن الا بعد النظر فى المرآه الشمال والتاكد من خلو الطريق خلفك لان احيانا وانت تفتح باب السياره للنزول ياتى من خلفك دراجه او موتوسيكل او سياره وهذه تكون من الحوادث الفظيعه لاقدر الله
6-حاول على قدر المستطاع ان تنبه على الاشخاص الذين معك فى السياره خصوصا الجالسين خلفك ان لا يفتحو ابواب السياره إلا بعد ان تأذن لهم ويستحسن لو كان يوجد زر اغلاق الباب الخاص بالاطفال او غلق السنت لوك من عندكحتى لا تفاجىء بنزول الجالس خلفك وفى نفس اللحظه يكون سياره اتيه من خلف سيارتك
وزى ما بيقولو فى ماتشات الكوره أحذر (القادمون من الخلف)
7-اذا كنت فى شارع ملىء بالسيارات ومافيش مكان تركن ووجدت مكان لاتحسب ان هذا المكان فاضى بدون صاحب تاكد اولا لانك ممكن اذا ركنت فى ذلك المكان تحدث مشاكل كبيره مع السكان وممكن يقفلو عليك الطريق ويبيتوك فى الشارع وماتعرفش تطلع السياره من عندهم الا بعد مشاكل نحن فى غنى عنها
8-عند ركن السياره اهتم بان يكون وجه السياره من الداخل اهم من ظهرها مع اهميه الظهر ايضاً
ولكن الاولويه عندك تكون للوجه
9-طبق على نفسك دائما قانون (إحذر خطأ الغير )هاتستريح نوعاً ما بمعنى انك دائما فكر بعقل الغير لو انت ركنت مثلا هنا ماذا ممكن ان يحدث من الغير وتوقعاتك دائما سوف تحميك ولو بنسبة 75 بالمائه
واخيراً وليس آخراً من لديه تكمله لموضوعى فليتفضل ويكمله وله جزيل الشكر