المشاركة الأصلية كتبت بواسطة dr_maged
يا باشا ولا مدرسة ولا غيرة والله من غير مدرسة ولا وسطة ولا بعرف اسوق وطلعت الرخصة فى نفس اليوم كمان
ومن مرور ابيس
بص يا سيدى انا اقولك عملت اية وانت اتكل على الله واعمل كدة وان شاء الله هتعدى بسهولة
اولا هات كتاب الاشارات من مرور محرم بيه ثمنة 5 جنية واقعد اقراه بفهم كدة كام مرة لحد ما تحس انك تعرف تجاوب على اى اسئلة تيجى فيه وفى هنا فى المنتدى برنامج زى اللى فى المرمر اتدرب عليه وانت هتعرف نظام الاسئلة وخش بقلب على الامتحان النظرى وهتعدى بكل سهولة
ثانيا حرف ال s لو بتعرف تسوق ممكن تدرب عليه كتيييييييييير لحد ما تتقنة
لكن لو على قدك زى يبقى بص يا سيدى
اولا ما تدخلش بعربيتك ولا عربية تانية امتحن على ال لادا بتاعة المرور هتلاقى طبعا العربية فيها دبرياج وفرامل وبنزين فى الناحية اليمين والشمال
وبيبقى جنبك واحد من المرور انا عطيتة 20 جنية وشريط فيجا قالى اية دا قلتلة دى فياجرا يا حج ليك انت بس قالى انت دكتور قلتلة انا صيدلى
قالى طيب ملكش دعوة باللى تحت وامسك الدركسيون واعمل زى ما اقولك
هنا بقى الفلم كلة من وجه نظرى حاول تلغى دماغك تمامااااااااااااااااااااا يعنى بالظبط وزى ما انا عملت تخلى دراعك كأنة متركب على دماغ اللى جنبك
هوه فعلا راجل خبرة رهيبة فضل يقولى يمين بالراحة شمال خالص يمين بسرعة وانا اعمل كدة بالظبط اقسم بالله انا ما كنت باصص على العساكر ولا كنت شايف قدامى لو كانوا غمونى مكنتش هتفرق معايا وهنا النقطة الفاصلة لو حاولت تعدل على كلامة او ول سرحت منة مش هتعرف تعدية ولو بقالك 10 سنين بتسوق
روح جرب الطريقة دى وان شاء الله هتعدى ولو فى اى استفسار انا موجود |
والله العظيم حرام عليك انت دفعت 20 جنيه وعلبة فياجرا وبتدل الناس ان يدفعوا رشوة
اتقى الله فى نفسك اولا وفينا ثانيا ازاى تدفع رشوة وانت ضعيف فى القيادة او تدل حد على دفع رشوة
وعيزين البلد يصلح حالها عمرها ما حيتصلح حالها طول ما لم نغير من سلوكيتنا
ان الله لا يغير ما بقوم حتى يغيروا ما بانفسهم
اتقوا الله ممكن من تدله على دفع الرشوة هو اللى يعمل حدثة وياذى نفسه او ياذيك انت وانت لا تعلم
حسبى الله ونعم الوكيل