المشاركة الأصلية كتبت بواسطة aimooo
الحمد لله علي كل شيء
استنفذت جميع الطرق لإزالة المخالفات التي تم الحكم عليا بها ظلما وعدوانا
ولذلك قررت اني مش هجدد رخصة العربية وهمشي بيها كده 
وكل ما لجنة توقفني هديهم 10-20 جنيه وحلو اوي كده
انما ادفع المخالفات لأ والف لأ وحتي لو معايا المبلغ الكبير ده  |
الموضوع بسيط جدً لكن المشكلة فى قلة خبرة اعضاء النيابة الجدد ، وحضرتك تقدم طلب بيانات السيارة كاملة وأصل ترخيصا وتاريخ تسليم اللوحات القديمة (وخلى بالك لا يمكن تتسلم وعليها مخالفات) وتاريخ استلام اللوحات الجديدة والطلب دة هيتقدم بإسم مدير نيابة المرور التابع لة السيارة ، هيأشرلك على الطلب (يصرح) هتاخد جواب من النيابة للمرور بالإفادة عن تسلسل اللوحات وتواريخها ، المرور هيرد على النيابة وطبعاً هيبقى واضح للأعمى انك غير مسئول وتكتب طلب مع افادة المرور لمدير النيابة بنقل المخالفات بإسم مالك اللوحات القديمة او يحفظها نهاءى لأن اللوحات كانت متسلمة فى مخزن المرور وقت تحرير المخالفات ز
طيب فرضنا صمم على موقفة يبقى تتظلم للمحامى العام لنيابات المرور
طيب طلعت دماغة نفس الدماغ
يبقى سهلة جدً تلم اوراقك دى وتديها لمحامى يرفعلك قضية على المرور ببرائة ذمتك من هذة المبالغ للأسباب اسابقة وهتاخد حكم فى جلستين ( على فكرة الدعور دى تترفع بصفة مستعجلة وامام المحاكم العادية لأنك هتختصم كمان وزير العدل ز معلش لو عملت كدة من الأول كان زمانك خلصت
ولو عاوز تستفسر عن حاجة هبعتلك تليفونى على الخاص بتاعك