المشاركة الأصلية كتبت بواسطة towfeq
السلام عليكم
اهلا و سهلا بيك وسط اخواتك
و مبروك على العربية و ان شاء الله ربنا يكفيك شرها و يرزقك خيرها
بالنسبة لسؤال حضرتك فالاجابة سهلة
هتقولي ازاي
هقول لحضرتك..انسى خالص انها زيرو
انسى
تخيل انك قدام عربية مستعملة و تفلليها بمعنى الكلمة
دورها كذا مرة..شوف ال RPM
شغل الانوار كلها كذا مرة
شغل التكييف على كل الدرجات كذا مرة
المساحات
نور الاشارات
الغمازات
الزجاج الكهرباء كذا مرة
اتاكد من مستوى السوائل( زيت موتور..زيت فرامل..زيت باور..وهكذا)
اتاكد من ان كل سماعة بتشتغل و قرب منها عشان تسمع صوتها
الاريال الكهرباء
الكوريك
الاستبن
الطفاية
مفتاح العجل
انزل تحت العربية وبص بعينك بسرع لو فيه حاجة غريبة
صدقنى انا مش ببالغ والله..بس واحد قابلته قبل كدع المفروض انه شاري عربية زيرو..
المفاجاه
طلعت مغيرة نص كامل
و لو لقيت حاجة غريبة او مش مريحاك او حاجة مش سليمة
خللي المعرض يجيب لك واحدة تانية بدون انتظار اتوكيل و حباله الطويلة
انت هتدفع فلوس شقيان فيها مش ورق جوافة
و قبل طبعا اي حاجة و قبل ما تنزل
صلي لله ركعتين بنية قضاء الحاجة
و لو ربنا وفقك و خلصت
قبل ما تركب فيها خاص
قول الدعاء
اللهم اني اسالك خيرها و خير ما جبلت عليه و اعوذ بك من شرها و شر ما جبلت عليه
و ايه الكرسي و سورة الاخلاص و العوذتين و توكل على الله
ولو فيه اي استفسار او سؤال احنا كلنا موجودين..واهو ادينا بنساعد بعض بنيه من كان في قضاء حاجة اخيه..
و ربنا يوفقك
|
الله ينور عليك نصائح غالية ومجهود رائع تشكر عليه
:12EA7A~1 53:,والف مبروك للأستاذ على العربية اللانوس وربنا يعطيه خيرها ويكفيه شرها