[YahiaAshraf]

المكونات:

جمبري من الصغير

بصلة متوسطة

طماطماية

فلفل أخضر

م.ك شوفان


حنقطع البصل والفلفل والطماطم



في معلقتين صغيرين زيت زيتون حنشوح البصل




لما يدبل نضيف الفلفل الأخضر



ونقلب شوية لما يدبل نضيف الطماطم



حنجهز الصوص أو التتبيلة بتاعت الجمبري ((( معلقتين كبار صويا صوص - معلقة كبيرة مستردة - ملح - فلفل أسود - رشة شطة - رشة زنجبيل )))

نقلبهم مع بعض ونضيفهم للجمبري ونقلبهم مع بعض كويس وممكن تسيبه ساعة في التلاجة أو تحطيه على طول على البصل والفلفل والطماطم على النار

هنا لما ضفت الجمبري على البصل والفلفل والطماطم



حنقلبهم مع بعض بس مش كتير عشان الجمبري ما يتهريش

لما يبدأ يآخد اللون الوردي الحلوو ده نهدي النار ونغطيه عشان يستوي كويس



ولما يستوي حنضيف معلقة كبيرة شوفان ونقلب ودقيقة ونطفي النار

المكرونة حنسلقها عادي بس عشان الدايت حنسلقها بالمياه بس من غير ملح ولا زيت وبتطلع حلوة على فكرة ومش بتلزق ولا بتعجن

بعد ما تتسلق المكرونة حنصفيها ونضيفها للصوص اللي جهزناه الجمبري والبصل والطماطم والفلفل الأخضر



ونقلب




واتفضلووووووووووووووووووو وا بالهنا والشفا







جروبها وحتعجبكم جدا إن شاء الله والصوص بتاعها جميل جداااا والشوفان مفيد جدا في الرجيم وبيقلل الكليستيرول الجمبري اصلا في نسبة كليستيرول عالية فضيفي الشوفان حيضبط المسألة

منقول