[YahiaAshraf]

مقادير الكبسة
لحمة مكعبات حمرا من غير و لا حتة دهن بنقول دايت
بصلة مفرومة ناعم و فصين توم في الكبة
بهارات كبسةو قرفة وقرنفل وفلفل اسود
وكمون و ملح و جنزبيل و حبهان
ربع كوب ارز بني يكون منقوع قبلها بساعتين
جزرة مبشورة
الطريقة بقى
بنحط البصلة و التوم المفرومين في معلقة زيت زيتون على النار
و نقلب لغاية ما تطلع ريحتهم

بنحط كل التوابا و نقلب شوية عشان تتحمص مع البصل و التوم

نحط اللحمة و نحمرها معاهم كويس اوي لغاية ما يتغير لونها

نحط ماية بتغلي و نسيب اللحمة تستوي كويس اوي

بعد ما تستوي اللحمة نصفي الشوربة دي كويس و نحط الرز البني المنقوع في الحلة و علية مقدار المية بتاعة المية ضعف الرز هناخد طبعا الشوربة اللي طبخنا فيها اللحمة و التوابل نعمل منها الرز و نضيف الجزرة المبشورة

و نسيبة يستوي كويس على نار هادية تقريبا ربع ساعة
و بناخد اللحمة تحت الشوايه نحمرها و نقدم الطبق كدة

و صورة اقرب كمان عشان بس انتو حبايبي

دة يا جماعة صورة الرز

ودة النوع اللي استخدمتة هو كيلو ب 14 جنية بس مش خسارة في صحتي ادعولي اخس و ابقى موزة قريب اوي يا مسهل يارب

منقول