02-03-2012, 06:09 AM
|
 |
من انا؟: متأمل فى حال الدنيا
التخصص العملى: مدير فرع بشركة مطاعم بابا جونز
|
|
تاريخ التسجيل: Oct 2009
الموقع: القاهره- النزهه الجديده
المشاركات: 4,061
|
|
رد: محتار لييومن بوتو ولا بورتو
مع احترامى لرأى حضرتك.. بس احنا دلوقتى فى تلج
وسواء بورتو السخنه او مارينا كلها اماكن مافيهاش غير بحر
فالموضوع هيبقى مٌمل جدا بالنسبالك
وكمان احتمال كبير مش هتلاقى مطاعم فاتحه فى بورتو او مارينا
غير اللى موجوده فى الفنادق الملحقه بالاماكن دى
لان كلها مطاعم موسميه بتفتح من 15 / 6 الى 15 / 9 من كل صيف بس
فأعتقد انك بكده هتروح تكدر نفسك مش هتنبسط
دا غير ان سواء بورتو السخنه او مارينا كلها اماكن هتتعارض مع ميزانيه حضرتك اللى عايزها تبقى معقوله
نصيحه منى ... اجل الموضوع شويه لغايه اخر شهر 4
اولا هتلاقى الجو بقى حلو جدا
ثانيا هتلاقى عروض حلوه جدا علشان شم النسيم فى 16 / 4
ثالثا لو حبيت تروح السخنه او اى مكان على ساحل البحر الاحمر هتلاقى الجو دافى نوعا ما وهتقدر تستمتع بالبحر
اما بقى لو كنت مصمم على السفر اليومين دول فمافيش ادامك غير الغردقه وشرم والاقصر واسوان
هى دى الاماكن اللى حضرتك تقدر تروح وتستمتع بيها ومش هيكون الجو برد فيها
بالعكس انت هتقدر تنزل البحر كمان
ودا لينك فيه جميع العروض الخاصه بالاماكن دى لغايه شم النسيم وفيها عروض اعتقد انها ممكن تكون مناسبة لميزانية حضرتك
http://egytourist.com/vb/forumdisplay.php?s=&daysprune=-1&f=99
تحياتى
|