تعليق
الرجاء من السادة الاعضاء عدم اعتبار الموضوع على انه توجيهي..بمعنى انا اللي باعرف اشوف الصح للناس والناس مش عارف مصلحتها والكلام الخايب دا بتاع انصار الكتلة والوفد اللي خسرو امام الاخوان في انتخابات الشعب والشورى
لأ
انا قصدي من الموضوع تقديم الفريق شفيق بصورة صحيحه لكى يأخذ فرصة مثله مثل غيره من باقي المرشحين اللي للاسف كلهم بلا استثناء بيتحاكوا على انهم نزلو التحرير وياما عملو وسوو وعايشين كلهم دور الشهدا في سبيل الوطن(باستثناء واحد بس انا متأكد انه نزل التحرير فعلا من يوم 25 يناير وهو حمدين صباحي) وكنت من اشد المؤيدين ليه لدرجة انى عملت موضوع تأييد لترشيحه للرئاسة ولكن بعد فترة من التامل والنظر للموضوع بنظرة موضوعية واني متاكد تمام التاكد ودا كلام انا كتبتة قبل كدا في كذا مشاركة من انه لازم ولابد يكون الرئيس القادم (على الاقل فترة واحدة )يكون من المدرسة العسكرية المصرية المشرفة عشان كدا اخترت ترشيح الفريق شفيق
يعني انا باقول يا جماعه فلان اهو وفي الاخر سواء نجح زي مانا بتمنى او خسر احنا كلنا بنتمنى الخير لمصر
وتقبلوا جميعا تحياتي