رد: فكرة بسيطة لزيادة قوة وعزم الماتور
ايه الكلام الغريب ده! مين اللى قال لك ان التيربو بيدخل هواء بارد للسلندر! وكمان التيربو مش مستحب للسيارات البنزين لانة بيقصر على العمر الافتراضى للمكينة وبيعرض الكرنك شافت لاجهادات توستينج وبيبان بالذات فى محركات البنزين مع الشد تعلية عدد لفات المحرك لكنة مناسب جدا لمحركات الديزل ان لم فى بعض التصميمات اساسى لانة محرك الديزل بعتمد فى تشغله على الاشعال الذاتى يعنى بترفع الضغط وبالتالى درجة حرارة الهواء لان محرك الديزل بيسحب هواء بس وبعدين بيحقن علشان كدة محركات الديزل ملائم وفعال جدا لها الشاحن الجبرى او التيربو تشارجر انما مع البنزين بيكون مخلوط من الهواء والبنزين وبالتالى بيكون حساس جدا للضغوط ودرجات الحرارة وبيسبب فى اغلب الاحيان اثناء التشغيل اشعال مسبق للشحنة علشان كدة تسمع مع محركات البنزين المزودة بالتريبو صوت دق او زى الرشاش الاالى ودة بيسبب عصر او توستينج للكرنك واجهاد للمحرك ككل لان محرك البنزين مصنع من سبائك خفيفة غير محركات الديزل
علشان كدة هى فكرة مش مستحبة وما انصحكش بها للبنزين انما عندك افكار تانية سهله وممكن تلعب بها فى المحرك وتغير ادائة لو مش عايز اساسا تغيره زى تغير الحدبة بتاعة عمود الكامات الشغل كله حيبقى فى وش السلندر او معظمة زى عدد الصمامات عمود الكامات شمعات الاحتراق ممكن كمان تغير فى البور او الشوط وقطر الاسطوانة بس محتاجة حرفنة يعنى حتغير فى الاجزاء المتحركة للمحرك ويصحب دة طبعا تغير فى انظمة السحب والطرد والعادم من الشجرة او المنفولد للماسورة للبفرللر بس دى محتاجة كمان حسابات علشان تاخد الاداء الامثل
وفى اغلب الاحيان حيضر برضة بالمحرك وعمرة الافتراضى لان مثلا لما تغير فى سعة المحر بتزويد الشوط والقطر الداخلى السعة كبرت مع الاحتفاظ بنفس دورة التبريد والتزييت فتكون سعتها للحمل الحرارى بتقل وبالتالى تاخد عزم وقوة اعلى وفى نفس الوقت تلاقى مجموع المفقودات برضة بيزيد يعنى الموضوع لازم يكون مدروس بعناية مفيش حاجة هباء كدة
|