أخذت تأشيرة جنوب أفريقيا قبل السفر بثلاث أيام والتذكره على طيران الامارات من القاهره
الى دبى 3 ساعات و نصف ثم ترانزيت هناك حوالى 6 ساعات ثم مباشرة الى جوهانسبرج
فى 9 ساعات ! لفه بنت 60 فى 70 لكنى قلت الله غالب و كنا فى أواخر رمضان لكنى أفطرت
فى الطائره وكان نفسى أشوف مطار دبى لآنى واخد فكره عنه انه تحفه ! و لكن حقيقى هو يعتبر
زباله جنب مطار القاهره الجديد ! و على فكره مطار أبو ظبى برده موش زباله و لكن مقلب زباله !
خاصة المطارين زحمه جدأ جدآ و كل الجنسيات تفترش الآرض و نايمه زى مقاطيع السيده !
لدرجة لا تجد مكانآ لتجلس فقطعت الوقت مدخنآ للسجائر ( السجائر مضره للصحه ) ! حتى جاء
وقت ركوب الطائره فوجدت كل الصاله خواجات بيض و حمر البشره و أنا اللى كنت فاكرهم سود
فاعتقدت ان دول سياح ! و طارت بنا طائره بوينج 777 من أحدث طراز و الخدمه بها كانت أكثر
من ممتازه ! و ظهر الكرسى اللى أمامك به مونيتور تتحكم فيه براحتك و به 300 فيلم أجنبى
بلا مبالغه و كل المسلسلات الآجنبيه اللى تعرفها و محطات و أفلام كامله كارتون و ألعاب فيديو
تيتريس و خلافه و مونوبلى ! و تليفون بيشتغل بالكريدى كارت للاتصال بأى دوله فى العالم عن
طريق الآقمار الصناعيه ! شويه كده و كل الناس طلبت بطاطين و نامت ! بس قبل ما يناموا لاحظت
ان الخواجات دول حلوين و ضاحكين وولاد بلد و لغتهم الانجليزيه سهله جدآ و لم أعرف السبب الا لما
وصلت ! لآنهم موش سياح دول أفريقيين زينا ! عموما لم يغمض لى جفن و بقيت عمال أحسد فى
الناس اللى نايمه و بتشخر ! و لاحظت شباب شكلهم مسلمين ومعهم بنات محجبات ! و بقيت فرحان
ان موش أنا الوحيد اللى عربى على الطائره ! نداء بربط الآحزمه الساعه 12:30 ظهرآ للهبوط
فى مطار جوهانسبرج الدولى و نظرت من الطائره لآرى منظرآ رائعا من أسفل و هى أن الآرض كلها
خضراء بلون زاهى و بحيرات و بعض المنازل المتناثره على شكل أكواخ و الآسقف كلها هرميه
و بالقرميد الآحمر ! و هوب هبطت الطائره و استقرت و نظرت من الشباك ولم أرى سوى جو كئيب
شبه ممطر و مطار كئيب ( لم أرى المبنى لكن الممرات و عمال الشحن و خلافه ) ! يتبع
Dr. Bolbolan 
صورة سياره هوندا متوقفه أسفل مجمع مكاتب ( طبعآ لم أرها فى مصر ولا أعرف اسمها ) !
نفس الهوندا منظر جانبى !
بورش تسير على الطريق كالغزاله ( يوجد منها آلاف و كذلك BMW ماسترودز ) يالهوى !