المشاركة الأصلية كتبت بواسطة aymangalal
خد عندك يا باشا.....
الموتور مالوش علاقة برقم الشاسية لان رقم الشاسية موجود على الصاج وده فى اى عربية يعنى ما بيتغيرش ابدا لكن الموتور لما يتغير بيتكتب الرقم الجديد فى الرخصة عند الفحص والخطوات كالاتى:
المفروض ان معاك افراج جمركى + فاتورة الشراء اللى بيثبتوا انك اشتريت الموتور
السؤال بقى...
الافراج الاصلى موجه لاى مرور؟؟ الجيزة ولا السويس
لو الافراج جه على الجيزة اللى هاتنقل منه يبقى تروح تعمل تحويل من مرور الجيزة الى مرور السويس " المرور اللى هاتفحص فيه"
وتفضل متابع لغاية ما الورق " الافراج الجمركى" يوصل مرور السويس لان الورق ده هو اللى هايتحط فى الملف الجديد فى مرو السويس
يعنى هاتحتاج ساعة ما تجدد وتثبت الموتور فى مرور السويس الاتى...
- طبعا الورق بتاع الفحص والتجديد وده بيتباع فى المرور
- شهادة مخالفات سارية" صلاحيتها 15 يوم"
- شهادة بيانات من مرور الجيزة " المرور اللى هاتنقل منه" موجه الى مرور السويس " المرور اللى هاتنقل له"
- عقد البيع او التوكيل
صور من حاجه معاك " الرخصة- البطاقة-الافراج- الفاتورة.... الخ"
وبعد ما تتأكد ان ورق الافراج وصل مرور السويس تبدأ بقى فى اجراءات الفحص والتجديد
وربنا يوفقك ان شاء الله
|
تسلم الايادى والله ينور عليك