المشاركة الأصلية كتبت بواسطة yasser.omar
 السلام عليكم
شوف حضرتك انا عاوز اعرفك الاول يعنى ايه امبير
الامبير هو وحدة قياس التيار الكهربائي وفى حالة الشحن يكون الامبير الداخل الى البطارية اعلى من الخارج ولكن بمقدار معين
والامبير يزيد من القوة الدافعة الكهربائية وذلك لوجود علاقة طردية بينهما بمعنى كل ما يزيد الامبير تزيد القوة الدافعة علشان كدة ممكن تلاقى بطارية 70 امبير فى التدوير افضل من ال 55 وايضا تكون معاك اطول لو العربية مادرتش على طول وهنا بقى موضوع حضرتك ...... الدينامو الى عند حضرتك هيخلى البطارية تشحن فى وقت اقل بكتير من دينامو ال 128 لكن المشكلة هى انه... يجب أن تجري التفاعلات الكيميائية داخل البطارية بسرعة معقولة سواء كان ذلك في الشحن أو في التفريغ . و بالتالي يجب أن يراعى تيار الشحن ضمن حدود معينة و لكن عملية الشحن السريع قد تؤدي إلى تخريب جزئي في بنية أقطاب والواح البطارية .. وهكذا تتناقص جودة البطارية تدريجياً مرة بعد مرة و تصبح البطارية غير صالحة للاستخدام .وده نتيجته بتظهر على الامد الطويل يعنى مش هتظهر فى يوم وليلة لكن الاكيد انه هتقصر العمر الافتراضى للبطارية بطريقة ملحوظة جدا
ارجو اكون لنى لفلدتك |
الكلام دة كبير ... كبير اوي يصعب على امثالي فهمه
ياباشا كلمني بالهجايص كلمني بلغه الشعب
انا عاوز الزبده.. البهاريز يعني
كلام حضرتك مظبوط 100 / 100 شكرا لحضرتك على الافادة الوافيه وجزاك الله خير
معناه بالهجايص دينامو الشاهين أشطه جدا لـ 128 واحسن من الدينامو العادي بتاعها 100 مرة واحسن بطاريه معاه هي بطاريه 70 ولكنه مع بطاريه 55 شغال برضة بس بيتلفها على المدى البعيد , ياعني لمى تيجي تغير البطاريه المرة الجايه جبها 70 ان شاء الله .