[waelsalah]

المشاركة الأصلية كتبت بواسطة bebo_1989 انا عندى اكسيل 1500 موديل 96 وغيرت 3 ديناموهات استيراد وكل ما اقيس الشحن عند بتوع البطاريات يقولولى الشحن عالى اقولة يعنى كام يقولى 15 والمفروض 14 لحد مازهقت والكهربائى قالى هاتلى كتاوت داخلى للدينامو الأصلى بتاعى وجبتهولة وركبة وركبلى الدينامو وقالى كدة الشحن مظبوط وبعدين روحت لبتاع البطاريات قالى الشحن 15بردة فرحت للكهربائى تانى قالى والله الشحن مظبوط جدا ومش عالى وقالى امشى كدة وعلى ضمانتى وبعدين انا ملاحظ ان النور لما ازود بنزين بيعلا سنة وكلمتة قولتله قالى عادى لان انا مركب كتاوت نور ومش عارف اذا كان الشحن كدة مظبوط ولا اية وحكاية انى كل ما ازود النور يزيد دى طبيعى ولا اية ياريت يا استاذ وائل تفيدى واسف على الاطالة

الله يكون فى عونك لانى مريت بنفس التجربة

بطاريتك جافة ولا سائله ؟ وحالتها ايه من الاساس
الدينامو كام امبير والبطارية كام ؟
حالة البطارية هتفرق معاك فى القياس لو فى بطارية جديده مع صديق ليك او مع الكهربائي تثق فيه حاول تجربها يوم او اتنين

يفضل الدينامو يكون امبيره اكبر من امبير البطارية
يعنى عندك الوضع الاصلي للاكسيل دينامو 65 امبير وبطارية 55 امبير
بس احنا ممكن نعدل البطارية الى 70 امبير ونجيب دينامو 75 امبير فيما فوق
بتاع البطاريات بيقيسلك جهد البطارية بالفولت هو فعلا لازم يكون من 13.7 الى 14.1 فولت ده الطبيعي
لو زاد عن 15 كده غلط او قل عن 13 غلط برده

حاول تروح لواحد متخصص صيانة ديناموهات يقيسه بجهاز خاص بالامبير مش الفولت
وكمان حاول تروح لواحد تانى بتاع بطاريات يكون عنده جهاز بمؤشر مش بارقام عشان يشوف حالة العربيه وهى مزوده بنزين وهى ع السلانسيه وهو هيحددلك بالظبط قدرة الدينامو لتعويض الفاقد من الطاقة عند الدوارة للبطارية

موضوع زيادة النور مع التزويد هى ممكن تكون طبيعي ولكن بدون رعشه يعنى ع السلانسيه هل العربيه واطيه وبترعش و كل الكهربا بترعش زى لمبة الصالون والفوانيس ولا ثابتين ؟

**جرب تشد سير الدينامو عشان تاخد منه اقصي خرج للدينامو يمكن يكون مرخى بس بحرص عشان ميتقطعش**

انا كان عندى النور بيرعش وكان عيب كتاوت دينامو وغيرت الدينامو كله والسير بتاعه كمان وركبت دينامو 80 امبير بتاع الفيرنا وبيقرا ع الفولت 14.5 الى 14.9 مع بطارية 70 امبير جافه

http://masrmotors.com/vb/showthread.php?t=66539رعشه فى النور ع السلانسيه ولما ادوس بنزين بتثبت وقوة النور تزيد

يارب اكون افادتك
وشكرا