[سمارت وير]

الإخوة الأفاضل ... حياكم الله
بداية بما إننا هنا في منتدانا متعودين دايما على طرح الآراء بحرية كاملة ( بدون تجريح في أحد ) و كمان موضوع الرأي و الرأي الآخر لا غبار عليه ، و الأهم من كل ده إننا دايماً بنعتبر بعضنا كأسرة واحدة فأنا أحب أن أرد عليكم فيما طُرح من لآراء ( ذات الاتجاه الواحد في الأغلب ) لعدة اسباب ليس وحدها أني عضوا بالحرية و العدالة أو الإخوان و لكن من باب إحقاق الحق و مبدأ حق الرد و التوضيح و أخيراً لأن استاذنا البنا قال مقالة نعيها ( كإخوان ) جيداً تقول (( أيها الإخوان: ستسمعون أن هيئةً من الهيئات تتحدث عنكم؛ فإن كان هذا الحديث خيرًا فاشكروا لها في أنفسكم، ولا يخدعنَّكم ذلك عن حقيقتكم، وإن كان غير ذلك فالتمسوا لها المعاذير، وانتظروا حتى يكشف الزمن الحقائق، ولا تقابلوا هذا الذمَّ بذمٍّ مثله، ولا يشغلنَّكم الردُّ عليه عن الجدِّ فيما أخذتم أنفسكم بسبيله، وثِقوا أن ذلك لن يصرف عنكم ولا يضركم ﴿وَإِنْ تَصْبِرُوا وَتَتَّقُوا فَإِنَّ ذَلِكَ مِنْ عَزْمِ الأمُورِ﴾ (آل عمران: من الآية 186).

وستسمعون أن هيئةً تتهمكم بالاتصال بهيئات أخرى تكرهها أو تصادمها؛ فلا تهتموا بذلك أيضًا، ولا تحاولوا أن تزيلوه أو تُثبتوه؛ فإن على المتهِم أن يُثبت والبينة على من ادَّعى، والأمر لا يتعدَّى أحد موقفين؛ إما أن يكون هذا المتهِم جادًّا فيحاول أن يتأكد ويتثبَّت، وسيؤديه تثبُّته ولو بعد حين إلى معرفة حقيقة دعوتكم، وأنكم لا تتصلون إلا بالله ورسوله، ولا تعملون إلا للإسلام وأهله، وإما غير جادٍّ فيما يقول، وإنما هو يتسلَّى بالتهم ويتلذَّذ بالغيبة، فهذا لن يضرَّكم أمره شيئًا، فدعوه يتروَّح بهذا القول ما شاء له التروُّح، وسلوا الله تعالى لنا وله الهداية والتبصرة. ))
....
...
..
.

و لو أنا هناك من لا يقتنع بصدق قولتنا فليترك نياتنا إلى الله و سيأتي اليوم ( حتماً ) الذي يعلم فيه الجميع من كان مع الحق و من كان ضده ...
و إعمالاً لمبدأ التبسيط و التأصيل الذي ينتهجه أخي أبو نورا في كل مواضيعه من تنسيق و و تبسيط و تحديد نقاط واضحة حين تناول أي أمر فسأقوم بالرد على استفساراتكم و انتقادتكم و استنكاركم ( و حبي لكم لم يتبدل ) قدر المستطاع من الصفحة الأولى و حتى هذه الصفحة ... و سامحونا على الإطالة بس انا لسة شايف الموضوع حالاً و الله المستعان .،

و لنبدأ بسم الله
....
...
..
.

المشاركة الأصلية كتبت بواسطة AboNoRa الكوسة جمب الانبوبة مين قال ديه انتخابات مضروبة

استاذي أبو نورا

أولاً : الصور إللي حضرتك رافعها هنا هي لنشاط الحزب بعد نجاح أعضائه يعني دي خدمات لنواب نجحوا بالفعل و عايزين يقولوا للناس شكراً على ثقتكم فينا بس بصورة عملية ( مش مجرد كلمتين أو شعار بنردده )
و الدليل على ذلك من الصور إللي حضرتك رفعتها مثلاً :



و لاحظ حضرتك التاريخ الموجود اسفل الصورة لإن طبعاً حضرتك عارف إن الانتخابات كانت مرحلتها الأولى تاريخها : في 28 و29 من نوفمبر2011، فيما أجريت المرحلة الثانيةيومي 14 و15 ديسمبر 2011، و الثالثة كانت يومي 10 و11 يناير الماضي و الإعادة يا سيدي بعدها بأسبوع و الصور إللي فوق دي بتاريخ : 20 يناير ، و لو عايز صور أنا مصورها بنفسي لبعض الحملات الخدمية إللي قمنا بيها في منطقتي و مصورها بنفسي تعضد كلامي أنا معنديش مانع

-------------------------------------------------------------------------------------------------

ثانياً :موضوع الأنابيب ... أنا هادمج كل مشاركات الأعضاء التي تدور حول هذه النقطة ثم الرد مرة واحدة :
1

المشاركة الأصلية كتبت بواسطة atgps طيب سؤال، ياترى الموجودين فى الصور دول موزعين معتمدين للأنابيب؟ إذا كان الرد بنعم، فياترى كانوا فين الشهور اللى قبل الانتخابات؟ وفينهم دلوقتى؟ إذا كان الرد بلا!! كيف حصلوا على تلك الانابيب؟ هل هناك طرق مشروعة لانعلم عنها شئ؟

ج1 : لأ دول مش موزعين معتمدين دول كانوا بيشيلوا الانابيب و معظمهم متعلمين و كمان فيهم دكاترة و مهندسين و هدفهم من هذا الأمر قول النبي ()من كان في حاجة أخيه كان الله في حاجته يوم القيامة.
تابع ج1 : وحضرتك لو كانوا عملوا كدة قبل الانتخابات ( رغم عدم وجود الأزمة بالشكل ده وقتها ) كان اتقال دي رشوة انتخابية و و و و أما لو كانت بعدها برضه هيتقال :

المشاركة الأصلية كتبت بواسطة atgps كيف حصلوا على تلك الانابيب؟ هل هناك طرق مشروعة لانعلم عنها شئ؟

و أرجو أن يتذكر الأعضاء الكرام قصة جحا و الحمار و ابنه ...

ج2 : لو حضرتك محتاج تعرف منين حصلنا على الأنابيب و الطرق مشروعة و لا لأ احب أقول لحضرتك إن الطريق للأنابيب ممهد لكل من يريد خدمة الناس بطرق بسيطة ( ليست حكراً على الإخوان و السلفيين وحدهم ) و هي خطاب معتمد من أي جمعية ( خيرية - أهلية - تعاونية ) لأي مستودع ريسي للأنابيب ( زي مسطرد مثلاً ) مع تحمل حضرتك لمسألة التجميع و التوزيع و التحميل من عربية الأنابيب للناس و من الناس للعربية طبعاً مع إكرامية السواق و لو مش عاييز هدومك تتوسخ ممكن تأجر خمس عشر رجالة يقوموا بالواجب ، و لو حضرتك عايز ملف كامل شامل عن موضوع الأنابيب لتقوم به لأبناء منطقتك ممكن أرفعلك الملف كامل أو أديلك موبايل واحد عندنا هو إللي شايل الموضوع.

2

المشاركة الأصلية كتبت بواسطة Ahmed Anwer السؤال الوحيد إزاي جابوا الأنابيب ؟؟؟ و اشمعنا هما ما هو لو سوق خيري أو مساعدات من أي شكل آخر يبقي ماشي بس سلعة الحكومة محتكارها ،،، اشمعني أدوهولهم ؟؟ عموما قناعتي الشخصية إن ده مش السبب الوحيد لحصولهم علي الأغلبية و يمكن السبب الأخير

الاجابة في مضمون السؤال السابق و سيأتي تفصيل آخر لاحقا.

3

المشاركة الأصلية كتبت بواسطة samirayad أكيد فيه طرف تالت سهلهم حصولهم على الأنابيب بالعربيات وبسعر المصنع ووارد برضه تكون الأنابيب دى هديه من الطرف التالت لكى يحصل على الخروج الآمن من أزمة الأنابيب

بداية أبو نورا قال من قبل : مفيش طرف ثالث لإن المجلس العسكري داخل بنفرين ... فلو حضرتك تقصد كدة فأنا بمنتهى الوضوح قلت لك على طريقة جلب الأنابيب و إللي ممكن أي حد يقوم بيها فلو حضرتك الموضوع حكر على الإخوان أو السلفيين يبقى أكيد مش دي بس شروط جلب الأنابيب فلذلك لا يأتي بها إلا الإخوان و بحثاً عن المصداقية و عدم اتهامنا بالتواطؤ أنا أرجو من حضرتك إنك تحاول الذهاب لأي مستودع لجلب سيارة أنابيب لأهل منطقتك و تنقلنا الصورة كاملة ، يعني نعرف منك انت الأمور مشيت مظبوط و لا فيه كوسة لصالح الإخوان فقط ؟؟؟

مع العلم إن كوووووول الإخوان من كبيرهم لصغيرهم نفوا تماماً مسألة الصفقة المزعومة ( و الأدلة كثيرة ) و حتى قيادات الحزب إلا أن الأمر دائماً ما يكون اللبانة المستمرة في أفواه قنوات الفتنة و التسخين بدون حتى دليل واحد.

4

المشاركة الأصلية كتبت بواسطة samirayad أنا عمرى ماشوفت واحد سريح بيبيع أنابيب سارح بترله مليانه بحوالى 1000 أنبوبه أو مايزيد ------------------- ممكن الواحد يشوف سريح شايله 10 أنابيب على موتوسيكل بكابينه صغيره خلفيه أو أنبوبتين على عجله أو أو أما سريح بترلة أنابيب ده ولا فى المشمش

اكيد ... عارف ليه حضرتك؟
لإن مفيش سريح ممكن يقبل تحمل أي جهد مما سبق شرحة مقابل إنه ياخد الأنبوبة و يبيعها بنفس الثمن !!! أكيد عايز يكسب على الأقل 10 جنيه في الأنبوبة، مع علم حضرتك إني أنا واحد من الناس لم تدخل بيتي نصف أنبوبة من الحملات التي قمنا بها و قمت بشرائها من السريحة أقل مرة بـ 25 جنيه و شيلتها على كتفي للدور الخامس ... و أزيدك من الشعر بيت :
واحد من الإخوة في آخر حملة قام بجلب أنبوبة من بيته الخاص و اعطاها لواحد من الناس أنبوبته ضاعت في وسط الزحمة...

-------------------------------------------------------------------------------------------------

ثالثاً :موضوع المعارض و الميزانيات و الشفافية ...

المشاركة الأصلية كتبت بواسطة AboNoRa طيب بص افهمك حاجة علشان فنجريت الكلام زى مانت كاتبها اول قواعد وقوانين انتخابات بتقول ان كل المرشحين لازم يكون ليهم فرص متساوية وسقف محدد لميزانية الدعاية وزى مانتو شايفين فيه صور اكتر ان كل الانشطة اللى بتبدو خيريه عليها دعاية لحزب النور وحزب الحرية واسماء الحزب وشعارة واحيانا صور المرشحين حتى لو مفيش مكان لان كل ده يتحط مع بعضة على يافطة واحدة فالاولوية لاسم الحزب وشعارة مش اسم الجماعة ولا شعارها ومش بس كده ده المعارض ديه مفتوحة لمؤيدي الحزب فقط وبالحجز المسبق طب دلوقتى لو لقيت الكتلة المصرية بتوزع انابيب هى كمان وخطوط محمول ببلاش وهما معاهم عادى برضو وهنسكت كل ما سبق يندرج تحت تصنيف الدعاية الحزبية والانتخابية لا العمل الخيرى العام وكل الاحزاب المفروض تعلن مصادر تمويلة وتخضع للرقابة المالية فى كل نفقاتها ومنها نفقات الدعاية الانتخابية طبعاً الكلام ده فى الدول الديموقراطية مفهوش هزار وممكن مرشح ولا رئيس حتى يواجه مسائلات بسبب مصادر تمويل حملتة حتى بعد نجاحة وكل ما سبق يخالف قوانين الانتخابات المعمول بيها هنا والمعلنة ويتغاضى عنه المجلس العكسرى ضمن صفقتة معاهم عينى عينك ده استغلال واضح لعوز الناس وفاقتهم ومتاجرة بعذابات الناس لتحقيق مصالح سياسية وده على فكره ميفرقش كتير عن اللى كان بيعملة نواب الوطنى من ناحية تانية احنا بنقول عايز نبنى نظام ديموقراطى سليم الناس تختار بناء على برامج وسياسات مش ترمس وكوسة وانابيب

نقطتك الأولى بتاعت الفرص المتساوية جاوبت عليه في الأول خااااااااااالص بإن الأمر ده مكانش في وقت الانتخابات إنما بعدها و إللي كان قبل الانتخابات كان قبل فتح باب الدعاية أصلاً

و النقطة الثانية بتاعت الخدمات الخاصة بالمؤيدين فقط فدي حضرتك ممكن تتأكد من عدم صحتها بسهولة من خلال إنك تقوم بزيارة أي معرض أو مكان تقديم أي خدمة و تشوف هل نطلب من المقبلين على المعرض مثلاً إبراز كارنيه الحزب أو تزكية من بعض الأعضاء و لا حتى مجرد سؤال عن تأييدك لينا من عدمه ؟ و لا ممكن نكون بنختار حسب اللحية و ذبيبة الصلاة


اما مسألة التمويل و مصادرة و الرقابة عليه فده شيء بديهي جداً الإعلان عنه إذ أنه لا يمكن إنشاء أي حزب أو جمعية خيرية بدون إعلان مصادر تمويله و أرقام حساباته و طبعاً الرقابه عليه من خلال الجهات الرسمية المعروفة مع العلم إن نظام مبارك في عز جبروته لم يستطع إثبات ولو قرش واحد دخل جيوب الإخوان من طريق غير مشروع ، و لا تنس أن من حق أي مواطن ... أي مواطن إذا كان لدية من المستندات ما يثبت أن هناك من احد يُمول بطريق غير مشروع أن يتقدم ببلاغ لنيابة الأموال العامة مباشرة... و أحب أن أقول لكل من يعرف مصادر تمويل الإخوان و حزبهم أن يقرأ هذا الموقف :

حقيقة التمويل الخارجى للإخوان

صور الحائط
جاء مبعوث من السفارة الإنجليزية إلى دار المركز العام وقابل الإمام حسن البنا وقال له:
إن الإمبراطورية من خططها مساعدة الجمعيات الدينية والاجتماعية، وهي تقدر جهودكم ونفقاتكم .. لذلك فهي تعرض عليكم خدماتها بدون مقابل وقد قدمنا مساعدات لجمعية كذا وكذا ... ولفلان وفلان .. وهذا شيك بعشرة آلاف جنيه معاونة للجماعة.
فتبسم الإمام الشهيد وقال:
إنكم في حالة حرب وأنتم أكثر احتياجاً إلى هذه الآلاف.
فأخذ المبعوث يزيد في المبلغ والإمام الشهيد يرفض..
و كان بعض الأخوة يتعجبون ويتهامسون:
لم لا نأخذ المال ونستعين به عليهم.
فكان جواب الإمام الشهيد:
إن اليد التي تمتد لا تستطيع أن ترتد.
واليد التي تأخذ العطاء لا تستطيع أن تضرب.
أننا مجاهدون بأموالنا لا بأموال غيرنا
وبأنفسنا لا بأرواح غيرنا.


-------------------------------------------------------------------------------------------------