رد: حد يفيدنى هيه المروحة كدة تعتبر بايظة ولاايه
و الله يا استاذ نصر حاجة تحير
انا شاكك ان فيه مروحة تانية حضرتك مش شايفها
اصل كون ان تبقى العربية واقفة و دايرة و من غير تكييف شغال فلازم بحد اقصى 20 ل 30 د لو بداية من البرودة التامة لازم المروحة تلقط و تقعد دقيقة ل دقيقتين و تفصل و تكررها تانى كل شوية بفاصل دقائق قليلة
فيا حضرتك مصبرتش يا فى مروحة تانية
لان لو فعلا المراوح مبتشتغلش كان الماتور ولع من السخونية المفرطة و كنت لاحظت ارتفاع غير طبيعى فى العداد و غليان ميه مصحوب بخروج دخان من غطا الرادياتير او القربة
اما هبوط عداد الحرارة قليلا على السريع :
كده كده طبيعى العربية بتبرد اسهل على السريع لدرجة انها مبتحتجش المروحة و لا حتى الرادياتير فعشان كده ثيرموستات كوعة الميه بتقفل و تحبس الميه فى البلوك و تمنع ذهابها للرادياتير حفاظا على درجة التشغيل الطبيعية و لما تسخن شوية ترجع تفتح و تودى على الرادياتير و فى حالة السرعات البطيئة و الزحام ثيرموستات الكوعة بتبقى فاتحة خالص عشان تودى الميه للرادياتير و كمان المرواح بتشتغل دوريا ( مش مستمر )
حضرتك قولت انا العداد على السريع مقلش كتير
كده ممكن يكون طبيعى
هو لو كان قل جامد كنا شكينا فى ثيرموستات الكوعة انها معلقة مفتوحة
فعلا ثيرموستات المروحة ديى حاجة و ثيرموستات الكوعة ديى حاجة تانية زيى ما وضح الاستاذ سمير
لازم يا اشوف العربية يا حضرتك توديها لميكانيكى ثقة
يا ريت لو حضرتك من اسكندرية تكلمنى 01001648489 ( طبعا خدمة اخوية no charge)
بس طالما العداد مبيرفعش و الميه مبتغليش و مفيش دخان طالع من الغطا يبقى لا داعى للقلق
ازاى بتبرد بقى ؟ !!!!!!!!!!!!!1 زيى ما قولت لحضرتك يا المروحة فعلا بتشتغل بس حضرتك مصبرتش يا فيه مروحة تانية
__________________
سبحانك لا علم لنا الا ما علمتنا
|