المشاركة الأصلية كتبت بواسطة gorge
انا معايا عربية 125 ايطالى موديل 72 العربية دى حالتها كويسة جدا علشان هى ماشية 73الف كيلوا بس لانها كانت مرفوعة 20 سنة وانا لسى مشغلها من 5 شهور بس هى بتحرق بنزين كتييييييييييير اوى يعنى بتاخد 20 لتر فى 75 كيلوا علما انى بسخنها بتاع ربع ساعة فى اليوم هل كدة عادى ولا لااااااااااا
وعلى فكرة هى الماتور ال 2 كامة ومستنى ردك ودى اول مشاركة ليا فى المنتدى الجميل دة يا رت متكسفونيش
|
استاذ جورج اولا بخصوص موضوع البنزين كده الاستهلاك عالى جدا جدا ومش طبيعى
أولا حضرتك شيك على الحاجات اللى ممكن تسبب الكلام ده بدايه
- الكشف على البوجيهات وتغييرها فى حالة اذا كانت تالفة وتشمل (التفحم - او طرطشة زيت الموتور عليها فيسبب قطع شرارة البوجيه )
- الكشف على سلك الاسبراتير ةتغيير الابلاتين والكوندنسر
- الكشف على فلتر البنزين وتغييره فى حالة عدم صلاحيته او عندما تجد اللون الاصفر اصبح مائل للسواد الشديد
- تنضيف الكربراتير والكشف على البيكات
أول ما تشيك على ده كله جرب وباذن الله النتيجة هتكون احسن
اما بالنسبة للتسخين لمده ربع ساعة ايضا كتير شوية وزى ما قولتلك شيك على دائرة الاشعال ممكن فى الشتاء صباحا تحتاج لوقت من 5 - 7 دقائق وممكن اكتر
حاجة بسيطة عشان تصل لحرارة التشغيل وممكن يكون برضه ترموستات الكوعة المياه ملغى لكن برضه لو الدنيا مضبوطة هتحتاج لوقت عشان تسخن فى حدود 7 دقائق
