بسم الله الرحمن الرحيم
العربية فيات 128 1100سى سى موديل 85
طريقة التركيب
1- الفلتر :صينى ب 40ج
2-متر خرطوم ب10 ج
3-قفيز اكبر مقاس ب 2ج
نتيجة التركيب :
العربية السحب بتعها قل وللعلم غيرت المكان اكتر من مرة (السحب كان احسن فى الاول مع العلم انى مهتم بالكرابتير وفلتر الهواء الاصلى جديد ومنظف الحالة الى بيبقى فيها الزيت مع تغير الزيت)
تجميع العربية اتحسن معايا بحيث بقت تجيب 170 ودة مش كان بيحصل بالفلتر العادى
العزم ذاد شوية فى نتش النقلات بقيت بحس بقوة اندفاع العربية بس الشداد اتكسر كمان
بالنسبة للصوت مش بيكون عالى غير اما احرق الغيار واكيد مش بيدى صوت زى الانجيكشن (مع العلم ان الصوت فرق حتى لو انا شايل العمة خالص بقى احسن)
فكرة التركيب من شخص فى المنتدى ولة كل الاحترام والتقدير
نتيجة التجربة
فشلة تقريباا بالنسبة للسحب (الهورس باور)
الفلتر لايزيد من استهلاك البنزين ..بس فى الواقع الاستهلاك بيزيد لان علشان تسحب معايا لازم اكبس ليها علشان يبقى سحبها قريب من الاول
الفلتر بيخلى تقريباا العربية تتنفس على السرعات القليلة ..يمكن عيب فلتر ..بس انا حبيت اجرب الفكر وانقلها للمنتدى علشان كلوا يستفاد وفى الواقع هو هايزود 2 هورس بور
انا من وجهة نظرى تنظيف الكرابتير والاهتمام بكهرباء بتاعت العربية دة احسن شىء ليها لحد ما ربنا يفتح علينا ونجيب غيرها :D
وان شاء الله هاجرب فلتر اصلى وممكن يفرق والله واعلم
وهاجرب اغسل الفلتر دة بماء بعدين احط علية جاز + زيت ماتور او بنزين بيحث يقلل كثافة الزيت