والله يا أبو نورا أساليب خايبه محاكمات مبارك ونظامه القمعي الهزلية المفضوحة من أسوأ المأخذ علي المجلس العسكري .... الكل شايف وعارف حجم التواطؤ بين جهاز الشرطة القائم حاليا و قياداته المتحفظ عليها ( مش المسجونه في قضايا قتل ) إنما المتحفظ عليها خوفا من فتك الناس بها
إحنا عايشيين حالة ممنهجه من خداع الشعب والتحايل علي الثورة .. أزمات أنابيب تظهر وتختفي في إسبوع وبعدين أزمات بنزين تظهر وتختفي في إسبوعين وبعدين أزمات عيش تظهر وتختفي حسب الطلب وبعدين مسلسل تليفزيوني من حالات الإنفلات الامني يعني يومين سرقة بنوك علي يومين سرقة عربيات نقل الأموال علي يومين خطف علي يومين قريتين يضربوا في بعض علي مجزرة في بورسعيد علي علي يومين البورصة تقع وتقوم علي يومين مجلس الوزراء علي يومين محمد محمود علي يومين ماسبيرو علي يومين اللهو الخفي المنظمات الأجنبية ... المهم الناس تكره الثورة وإللي عملوها ويستنجدوا بعودة العادلي وزبانيته ...... ويمكرون ويمكر الله والله خير الماكرين
بإذن الله نفسنا طويل والنار تحت الرماد
