[hazem_khidr]

نفس الكلام اللي بيضحك بيه علي المصريين دايما
مش عارف الشيخ مين حارس مفتاح الكعبه قابل الرسول في المنام و قاله مش عارف ايه
و امانه عليك تبلغها و انا حلفتك بربنا و بقت امانه في رقبتك اي يوم الدين
و دا فلان انسخط قرد علشان مش عارف عمل ايه و ابعت الرساله ل 162 واحد و حتسمع خبر حلو الليله
و لو ما ارسلتهاش حيطلعك ام رجل مسلوخه في الحلم و حتبقي وقعتك منيله بستين نيله.
و اللي شاف ميكي في المنام و ابعتها علشان تشوف توم و جيري و لو ما ارسلتهاش حيتقطع عنك قناه سبيس تون و الكلام دا
يوووووووووووووووووووووووه
الواحد زهق من الكلام دا و من استخاف بعقولنا
عن نفسي اي اميل بالمنظر دا بمسحه و مش بقرأه حتي.
يعني اي حد عاقل كده و يفكر فيها هل لو حصل حاجه زي كده حنعرفها من عن طريق النت
مافيش تلفزيون و فضائيات من بره مصر بتنقل اخبارنا هنا حتي لو الحكومه مكتمه عليها.
طبعا مش قصدي اشكك في صحه كلام صاحب الموضوع
لكن في نفس الوقت بنصح الكل ان محدش يمشي ورا الكلام الخايب دا