رد: عندى عيب فى عربيتى الانوس 2 موديل 2002
علبة سير الكاتينة بلاستيك و لونها اسود
هيا كذا جزىء
المفروض اللى تفكه منها حاجتين
الغطاء العلوى
و ده لو انت واقف قدام العربية حيبقى شمال و له تقريبا 4 مسامير 10 لما تفكهم حيبقى سهل تريح الغطا شمال او تشيله خالص بس خلى بالك عشان معشق مع الجزىء السفلى من بقيت الغطا فيفضل تريحه سنة شمال
عشان بس تقدر تشوف ترس الكامة
و من تحت مش فاكرالصراحة بس تقريبا فى غطا صغير مدارى على ترس الكرنك
حتفكه حيبان ترس الكرنك هو صغير اصغر من ترس الكامة
حتعشق خامس
و تزق واحدة واحدة لحد ما العلامة اللى على ترس الكامة تيجى قصاد الشق العلوى اللى فى العلبة البلاستيك الخلفية
و لما يبقوا قصاد بعض تنزل تتأكد ان العلامة اللى على ترس الكامة باصه لتحت قصاد شق سفلى فى العلبة الخلفية اللى تحت
لو مش قصادها يبقى السير مرحل
ساعتها لازم ميكانيكى عشان حيفك السير و يظبط تانى
و ديى صعب تعملها بنفسك على الاقل اول مرة
__________________
سبحانك لا علم لنا الا ما علمتنا
|