رد: عربيتي مسروقه
ربنا ان شاء الله يرجعها لحضرتك ، بس عايز اقول لحضرتك علي حاجة اللي حضرتك عملته هو عين العقل ، وكويس ان حضرتك مقاومتش عشان الناس دي قبل ما بيعملوا حاجة زي كده بيكون اكلين برشام ( مخدرات ) وده بيخليهم عندهم نوع من العدائية الزيادة وممكن يموتوا اللي بيسرقوه ولا هيفرق معاهم عشان هو عارف انه لو اتمسك مش هيترحم
فالحمد لله علي سلامة حضرتك ، العربية تتعوض لكن الانسان مبيتعوضش ، فمش عايز حضرتك تكون ندما علي تصرفك، واللي يقول لحضرتك انا لو مكانك كنت عملت وسويت كله كلام ، الانسان لما بيفكر في الموقف وهو قاعد علي الكرسي مسترخي غير لما بيكون في رهبة الموقف وربنا يستر علي كل الناس
وكان ليا طلب انا عارف ان مش وقته ، لو ممكن حضرتك تحكيلنا اللي حصل عشان الناس تستفاد وتاخد حذرها ، وان شاء الله العربية ترجع وربنا يعوض حضرتك
|