المشاركة الأصلية كتبت بواسطة تامر ديزل
اولا الاويل سيل :
شوف الصورة دي
الاويل سيل oil seal هوا قطعه من المطاط او المطاط المدعم بالصاج ووظيفته منع تسريب الزيت وبتركب على الاعمدة الدوارة زي عامود الكرنك وعامود الديركت في الفتيس
نيجي بقى لاويل سيل الكرنك : فيه اتنين اويل سيل واللي بتسأل عليه هوا الاويل سيل الخلفي للكرنك و دي صورته
وده وظيفته منع تسريب الزيت من البلوك الى ( الهاوزنج ) ... مبدئيا الصورة مبينه الجزء الخلفي من الموتور ناحية الفتيس والتجويف اللي في النص بيركب فيه عمود الديركت بتاع الفتيس ... وبيركب عليه الديسك والاسطوانه
طبيعي لو الاويل سيل ده تلف هيتسرب زيت من الموتور للمكان الموضح في الصورة وهوا الهاوزنج او التجويف بين الموتور والفتيس وبالتالي هتلاقي زيت نازل من عند الفتيس او من المكان مابين الموتور والفتيس
خلي بالك : لو الزيت لونه غامق وفيه رواسب كربونيه يبقى اويل سيل الكرنك هوا اللي تالف ... لو الزيت لونه فاتح ومافيش رواسب كربونية يبقى مصدره الفتيس لانه فيه هوا كمان اويل سيل في نفس المكان
فيه اويل سيل تاني للكرنك في الموتور من قدام ودي صورته
وده برده وظيفته منع الزيت انه يتسرب من الموتور من قدام ناحية السيور |
شكرررررررررررررا يا تامر على التوضيح الرائع و التوضيح بالصور كمان