[AbOnOrA]

المشاركة الأصلية كتبت بواسطة محمد الصول السلام عليكم و رحمة الله و بركاته بفضل الله تعالى ثم بفضل اراء اعضاء المنتدى الكرام فقد اكرمنى الله و استلمت رينو ستيب واى 2012 اللون النبيتى من المصرية فرع الاسكندرية و للأمانة هى سيارة اكثر من رائعة بل هى الروعة نفسها من حيث الشكل و متعة القيادة و الاداء الممتاز و لكن لى ملاحظتين من اول يوم استلام و قلقان جدا انا عارف انها ان شاء الله مش مشاكل و لكن كل اللى اقدر اقوله انى متوتر شوية و دة لانى لسة مستلمها النهاردة (انا عارف انى طولت على حبايبى اللى دايما بيفيدوا الناس المحتاجين لاجابة على بعض المشاكل اللى بتظهر فى العربية ) و تتلخص المشكلتين فى الاتى : 1- من بعد سرعة 90 كم و ار بى ام طبعا اقل من 3000 عملا بنصائح الاخوة الكرام أعضاء المنتدى بسمع صوت عامل زى ونة كدة و لما بقلل السرعة بيروح ( زى ونة الكرونة بتاعت اللادا كدة )فمش عارف هل هى مشكلة الكبوت زى اللوجان و لا ايه دة ؟ 2- فى صوت تزييق او هبدة كدة مع الفرامل حتى لو لسة طالع بالعربية على الاول و لما ادوس فرامل و قبل العربية ما تقف بثوانى اسمع صوت تزييق او هبد كدة ( برضه زى ما يكون فى مشكلة فى الياى لما بيكون مش متقعد صح فى اللادا ) و بصراحة دة مقلقنى كتييييييير و ربنا يستر و الاقى الحل فى المنتدى الجميل دة و اللى بعتبره ورشتى على النت و اهم مرجع فى عالم السيارات طبعا انا ذكرت اللادا لان عربيتى القديمة كانت لادا بس انا بحاول اوصل الفكرة ببساطة عشان نتفهم المشكلتين دول فرجاء خاص لكل الاخوة فى المنتدى ان يفيدنى و يقوللى اعمل ايه ؟ هل فى حل و لا استنى لما ارخص العربية و اروح التوكيل ؟ مع كامل تقديرى و احترامى لكل اعضاء المنتدى الكرام و تقبلونى اخا لكم فى الله

شكراً ليك والف مبروك على العربيه ربنا يهبك خيرها ويكفيك شرها

بالنسبة لصوت الونة على سرعة ثابتة ده مش مقياس ومش المفروض برضو تثبت رجلك على سرعة واحدة طول الوقت فى فترة التليين ولازم كل فترة تزود شوية علشان العربيه مبتقاش مخنوقة
لكن على اى حال سجل كل حاجة لحد ما تكمل الالف الاولى لان اكيد فيه حاجات كتير بتطبع لسه ده غير ان الدنيا برد والشوارع مطينة فوارد الفرامل تكون بتعمل اصوات

وان كان ما يقترحة استاذ ادمير وارد بس ان شاء الله تكون حاجة بسيطة