[elmahdy29]

المشاركة الأصلية كتبت بواسطة WaleedSaed السلام عليكم شباب انا ناوى اشتري عربية ان شاء الله تقسيط الفترة الجاية هدفع 20 تقريبا و اقسط الباقى على 5 سنين مشوارى كل يوم حوالى 30 كيلو رايح جاى فى اسكندرية ( العجمي لمصطفى كامل للإسكندرنية ) كنت بفكر فى الحاجات الى فى ال 50 و ال 60 بس ناس كتير قالت لى مش هتستحمل معاك المشوار الكبير لازم تزود الميزانية شوية من 70 ل 80 الف. و انا مش ناوى ابيعها قريب ان شاء الله يعنى 7 سنين او اكتر فموضوع البيع ده مش مشكلة المهم بالنسبة لى انها تتحمل و تقدر على المشوار ده كل يوم و برده قطع الغيار و الصيانة متكونش غاليه قوى فانا محتار بين الكيا بيكانتو الشكل الجديد 2012 و الرينو السنديرو ستيب اوى 2012 ايه رأيكم فيهم وانهى افضل بالنسبة للمواصفات الى انا محتاجها دي؟ و جزاكم الله خيرا

انا معايا الستيب واي... طبعا هي افضل من السانديرو العاديه لاسباب مش بيهتم بيها المصريين بس هي اهم حاجه بره
السفتي باكيدج بتاع الفرامل... يعني فرامل اي بي اس + اي بي دي لتوزيع ضغط الفرامل
فطبعا ضحيت باي حاجه تاني... ده غير طبعا اكسسوار الشكل الخارجي( عتب + اكصدام امامي بكساحات+ اكصدام خلفي بكساحات+ شكمان نيكل + 4 جنوط 15 اصلي + حلية فبر خارجي للرفارف + حامل امتعة على السقف من النيكل قوي جدا) انت عارف الحاجت ديه لو حبيت تعملها تتكلف كام؟؟؟؟
ده غير انها مش هاتبقى زي الفابريقة طبعا
بس دلوقتي فيه سانديرو اتوماتيك ب 83000 وهي تفرق في الجير والماتور... الماتور 1600 برضه بس 16 صباب ... اما اللي معايا 8 صباب ... هو افضل شويه في القوة لكن طبعا التاني بيوفر بنزين اكتر وصيانته اسهل
لكن لو بتفكر في المانوال يبقى ستيب واي اكيد... وربنا يوفقك ان شاء الله
فشوف ايه اللي انت تحبه