مشكاح وريمة 2009
_______________
مشكاح راجل نطع طول بعرض واعرض حاجة فيه قفاه
!!
راجل نصاب عيشته مبنية على النصب واللهف والخطف وأحيانا البلطجة وأى وسيلة حسب الظروف
!
وهذه الجثة التى تهابها والممتلئة بالعضلات طولا وعرضا كالمصارعين وهذا الصوت الاجش
واللسان الزفر الذى لا يكف عن السب واللعن
كل هذا عبارة عن شبشب فى قدم المدام وخروف مربياه
وحمار تركبه وتديله على قفاة
ولما تحب تور على الناس رمياه
وحلوف رامى بلاه
السيدة المصونه الوجيهة الكونتيسة ريما ولقبها بين الناس الجزمة القديمة00
صاروخ فى الندب
قنبلة فى البلاوى
رشاش فى القباحة
أخطبوط فى المشاكل
تعلب فى الوقيعة بين الناس
جاموسة فى المعاملة
هذه من بعض صفاتها التى يعددها الناس
واصبح هذا الثنائى الذى قلما يجتمع بهذا الشكل حديث الناس فى المنطقة وأجوارها
وأصبح الجميع يتلاشى حتى النظر اليهم أو مبادلتهم الخطاب
!!!
والاخ مشكاح لما لقى الحالة بقت ضنك ومعدش لاقى دكر البط المزغط على العشا زى العادة نظر لريما وللطعام ساخطا وقال:
أتجدعن وهات فلوس بدل ما أنت قاعد
-الحالة مقشفرة والناس معدومة اليومين دول
-شغل اللى ينحرق مخك
-مش لا قى حيلة
-
أقولك أنا00
الراجل محروس بتاع المطعم اللى على ناصية الحارة00
-
أجيبلك فار من اللى جوه نفطسه وبعدين تاخده معاك وتروح تاكل عنده عشوة معتبرة وتروح حاطط الفار ف الاكل وترمى بلاك
-
وليه أذى بصحيح00تسلمى لى
-
مش لما آكل لقمة
أما راجل طفس ح تاكل مرتين
-
وماله زيادة الخير خيرين
وقامت لاصطياد الفأر كقطة متوحشة حتى قبضت وخلصلت عليه وصرته فى كيس أسود
وأعطته لنطعها وذهب الى محل الغلبان محروس لتنفيذ الخطة
تتبع