أولا السلام عليكم جميعا وعلى أحلى موقع وعلى أجدع شباب
ثانيا أنا خلااااا ص إتجننت أنتم إللى هتعقلونى ان شاء الله انا ناوى بعد شهر من دلوقتى أشترى عربية زيرو وبعد ما عملت مقارنات مابين أكسنت RB ورينو سكالا وكام عربية تانية على نفس المستوى وجدت ان أشيك عربية هيا RB وأنى ميااااااااااااااال جدا ليها من ناحية كل حاجة وبعد ماستقريت عليها ظهرت لى Rio الجديدة 2012 نفس الشكل تقريبا والمواصفات والأسعار من RB وده لأنهم شركة واحدة
فياريت من أهل الخبرة إللى هيرجعونى وأخد القرار الصح لأن العد التنازلى بدأ أرجو منهم المقارنة بين العربيتن دول من حيث المميزات والمواصفات والأوبشن فى كل واحده وإستهلاك البنزين والثبات بعد السرعات العالية والتوكيل وقطع الغيار وإعادة البيع والعيوب والصاج والتصميم الداخلى والخارجى
مع العلم انى ناوى اجيب المانيوال من أى عربية لأنى بعيد عن زحمة القاهرة وقليل لما بنزل ليها
معلش أنا طاولت عليكم ودوشتكم بس فعلا القرار صعب وليكم الجاتوه لكل اللى هيرود وشكرا
